Te Tua-Kaua 7:9 - Te B'aib'ara

⁹ Kam bon ataia b'a bon ti te Atua ni koaua te UEA ae Atuami. Ma ngaia are, kam na tangiria, ao ongotaeka nakon ana Tua, ao ane na kakaonimaki ni karaoa nanon ana Boraraoi ma ngkami ma kanoami i nanon tengaa te roro

Te Tua-Kaua 7:9 ပူးပေါင်းရင်းမြစ်များ

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Karikani B'aai 28:15

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

Karikani B'aai 9:15

ao N na uringa iai au Berita nako imi ma maan ni kabane ake a na aki manga tiringaki b'aai aika maiu ni kabane n te ieka.

1.Uea 8:23

ao e tataro ni kaangai: Te UEA ae Atuan Iteraera, bon akea atuani karawa ke aonnaba ae ai arom. Ko aki konaa ni m'aninga am Berita are Ko a tia ni karaoia ma am Aomata, ao ko kakaonimaki nakoia ni kabane aika a kakaonimaki nakon am Reirei nako.

1.Rongorongo 16:15

Ti na bon aki m'am'aninga ana boraraoi ao ana berita, ni karokoa ngaa n ririki.

2.Rongorongo 6:14

ao e tataro ni kaangai: Te UEA ae Atuan Iteraera, bon akea temanna te atua i karawa ke i aonnaba ae ai arom! Ko bon aki konaa ni m'aninga te boraraoi are ko karaoia ma am aomata, ao ko kakaonimaki nakoia akana a kakaonimaki n ongotaeka nakon am reirei.

Neemia 1:5

Te UEA ae Atuan karawa, Ko kakannato ao Ko maakaki. Ao Ko bon kaakakoroa bukin am berita nakoia aomata ni kabane akana a tangiriko ma n ongotaeka n am babaaire.

Neemia 9:32

Atuara, ko bon rangi ni korakora, ko mamaakaki, ao ko kakaonimaki, ao ko b'aab'aina te koaua n am taeka. Ma ngaia ae, ti butiiko b'a ko na ururinga rawawataia am aomata, am uea, am taani kairiiri am burabeti, ao am burabeti ae moan te korakora, man te tai are e tautaeka iai Aturia ni karokoa te bong aei.

Taian Areru 103:18

irouia ake a kakaonimaki nakon ana boraraoi, Ake a teimatoa n ongeaba nakon ana taeka.

Taian Areru 105:8

E aki toki n uringa ana boraraoi, E na bon aki kona ni m'aninga ana taeka nakoimi i nanon rooro ma rooro;

Taian Areru 119:75

Te UEA, a eti am Moti; ao Ko aki kairua ngke Ko karawawataai.

Taian Areru 146:6

Ae karaoa karawa ma aonnaba ma marawa ma b'aai ni kabane akana mena iai. E korakora onimakinana.

Taian Areru 36:6

Ai aron te maunga ae te kabanea n rietaata am Raoiroi; Ai aron nanoni marawa ae nano am Kaeti-taeka. A mena aomata ma maan i aan am Tararua.

Te Otinako 20:6

Ma I kaota Au tangira nakon tengaa te roro aika a tangirai ma n ongotaeka nakon au tua.

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Ieremia 32:18

Ko kaota am akoi nako ia roro aika ngaa, ma ko bon katuaaia aomata i bukin aia bure aia karo. Bon te UEA Ngkoe ae Moan te M'aaka.

B'aeb'aeti 3:23

E boou n te moaningabong koraki, n ai aron kakaonimakin otin taai.

Taniera 9:4

I tataro nakon te UEA ae Atuau ao I kaoti aia bure au aomata. Ao I kaangai, “Te Atua ae te UEA, ko korakora, ao ti karineko. Ko kakaonimaki nakon am boraraoi ma ni kaota am tangira ae e teimatoa nakoia aika a tangiriko ma ni karaoa nanon am kaetieti.

Warekaia Iteraera 14:18

b'a Ko tangiria ni kaota te akoi ma te nanoanga. Ao Ko taku naba b'a Ko rangi n taotaonakinano, ma Ko bon katuaaia naba aika a tia n karaoa te m'akuri ae bure, tiaki ti ngaia ma Ko katuaaia naba natiia, ao natin natiia.

I-Rom 8:28

Ao ti ataia b'a ni b'aai ni kabane, ao E m'am'akuri te Atua i bukin te raoiroi ao i bukiia te koraki ake a tangiria ake E a tia ni weteia nakon ana kaantaninga.

1.I-Korinto 1:9

E bon riai n onimakinaki te Atua, are Ngaia ae weteingkami b'a kam na i raorao ma Natina are Iesu Kristo are ara UEA.

1.I-Korinto 10:3

A bane ni kana te am'arake n Tamnei ae ti te arona, are E anganiia te Atua ni m'aakana

1.I-Korinto 8:3

ma ngkana e tangira te Atua te aomata, ao e bon ataaki i Rouna.

2.I-Korinto 1:18

Ma ngkae E kakaonimaki te Atua, ao ara taeka nako imi bon tiaki “Eng” ao “Tiaki”, n te tai ae ti teuana.

Te Tua-Kaua 32:39

Kam bon aki ataia? Bon ti Ngai te Atua; ao akea riki temanna; Bon Ngai ae I anaa te maiu ao I a manga kaokia. I katuaaingkami n te rawaawata. Ma N na kamaiungkami ngkai, ao bon akea ae kona ni katokai.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Te Tua-Kaua 4:35

E tangiria te UEA b'a kam na ataia ae bon ti Ngaia te Atua ni koaua, ao E tangiringkami b'a kam na ongotaeka i Rouna. Ao bon anne bukina ngke E kaota nakoimi Ana kakai aika korakora, ao te ai ae uram'aaka i aon te aba, ao anne naba bukina ae kam ongo iai b'anaana man te ai ao mai karawa.

Te Tua-Kaua 4:39

Ma ngaia are, kam na uringnga b'a bon ti te Atua ni koaua te UEA, i eta i karawa, ke i nano i aonnaba.

Te Tua-Kaua 5:10

Ma ngkana kam tangirai ma n ongotaeka nakon Au tua, ao N na akoia ami utu ni karokoa tengaa te roro.

1.I-Tetaronike 5:24

E kakaonimaki Teuare weteingkami, ao E na boni karaoia.

2.I-Tetaronike 3:3

Ma E kakaonimaki te Uea; E na kateimatoaingkami ma ni kawakiningkami mairoun teuare buakaka.

2.Timoteo 2:13

ngkana ti aki kakaonimaki, ao Ngaia E boni kakaonimaki, b'a E aki kona n eekaanako oin arona.”

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

Ebera 10:23

Ao ti na taua ni kamatoa te kaantaninga are ti kaotiotia ma te aki nanokokoraki; b'a E kakaonimaki Teuare atonga te taeka n akoi.

Ebera 11:11

I bukin ana onimaki Nei Tara, ao e reke i rouna te kona ni kariki, e boni ngae ngke e a rangi ni kara. E taku b'a E kakaonimaki Teuare anganna te taeka n akoi;

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

1.Ioane 1:9

Ngkana ti kaoti ara bure, ao E kakaonimaki b'a E na boni kab'arai ara bure ma ni kaitiakiira man te buakaka ni kabanea ngkai E atataiaomata.

Tani Motiki-taeka 2:1

Ao E m'ananga Ana anera te UEA mai Kirekara nako Bokim ao E anganiia Iteraera te rongorongo aei: I berita nakoia ami bakatibu b'a N nang anga te aba aei nakoia ami utu, ao e karokoia ami aomata aikai mai Aikubita. Ti karaoa ngkoa te berita, ao I berita b'a e na aki uruaki.

Tani Motiki-taeka 5:31

Ti tataro nakoim, ara UEA b'a a na mate ara kairiribai ni kabane n ai aron Titera Ma Ko na karaneaneaia ni kabane n aron taai ngkana e a tib'a ingabong akana tangiriko. Ao e tiku n rau Iteraera i nanon 40 te ririki.