Te Tua-Kaua 7:3 - Te B'aib'ara

³ ao kam na aki kaieiniia naba natimi aine, ao natimi m'aane ma ngaiia.

Te Tua-Kaua 7:3 ပူးပေါင်းရင်းမြစ်များ

Karikani B'aai 24:3

b'a I tangiria ni berita ma ngkoe n aran te UEA, ae Atuan karawa ma aonnaba, b'a ko na aki karekea buun natiu te mm'aane mai buakoia kaain Kanaan.

1.Uea 11:2

Ma ngaia are, E a tia ni kauringiia b'a a na aki iein ma aine aika tiaki Iteraera. Ao e tangira buuna Toromon are natin uean Aikubita. Ma e tangiriia naba aine tabem'aang mai Moaaba, Ammon, ao Etom, ao tabeman mai Titon ao man abaia kaain Eta.

1.Uea 16:31

Bon ti te bo are e karaoia ma Ieroboam. Ao ana bure riki ae moan te buakaka bon ieinna ma Nei Ietebera are natin uean Titon are Etabaara, ao e a manga taromauriia B'aara.

Etira 10:3

ngkana a manga ongotaeka n iri nanon taian taeka ao aia iango tekorakina aika a karinea ana tua te Atua ma te koaua. Ti na riai ni berita nakon te Atua b'a ti na raure ma aine aika Ianena ma ni kanakoia, ni ikotaki ma aia ataei.

Etira 9:12

Ao ti a tia ni kauringaki b'a ti na aki kariaia natira aine, ao natira m'aane b'a a na mare ma natiia m'aane ao natiia aine. A tuangiira naba am burabeti b'a ti na aki buokiia Ianena akekei, ke ni kamaekaia ma te rau. Ko tangirira b'a ti na rikirake ni korakora ao ni kukurei ni b'aai aika a tamaroa n te aba aei, ao n te tai teuana a na tiku nakoia natira n aki toki.

Neemia 10:30

Ti aki kariaia b'a a na mare natira m'aane ma natira aine ma taiani ianena,

Tani Motiki-taeka 14:3

Ao a taku ana karo nakoina, Ai m'aitira ainen ara kaainga, ao a m'aiti riki ainen Iteraera. Bon te naani beekan kaain Biritia. E aera ngkai ko kan iein ma ainen Biritia? Ao e taku Tamton, I rangi ni b'aka i rouna, kam na anaia b'a bu.