Te Tua-Kaua 7:1 - Te B'aib'ara

¹ Kaain Iteraera, E na buokingkami te UEA ae Atuami n anaa te aba mairouia kaain Eta, kaain Kirekate, kaain Amora, kaain Kanaan, kaain Beriti, kaain Iwa, ao kaain Iebuti. A m'aiti riki ma ni korakora botannaomata aika itiua aikai nakoia Iteraera, ma ngkana kam buakaniia,

Te Tua-Kaua 7:1 ပူးပေါင်းရင်းမြစ်များ

1.Uea 16:31

Bon ti te bo are e karaoia ma Ieroboam. Ao ana bure riki ae moan te buakaka bon ieinna ma Nei Ietebera are natin uean Titon are Etabaara, ao e a manga taromauriia B'aara.

1.Rongorongo 1:14

Kanaan bon aia bakatibu naba kaain Iebuti, kaain Amora, kaain Kirekara,

2.Rongorongo 8:7

E aki rangi ni karawawataia Iteraera Toromon ni m'akuri. Ma ngaia are, e kam'akuriia ana tautia, aobitia, mataniwin te taanga ni buaka, ao te taanga ni buaka ake taan buaka i aoia aoti.

Etira 9:1

Rimwi riki, ao a roko aia taani kairiiri taian Iutaia irou ao a taku: A m'aiti Iteraera n reitaki ma taiani ibonga, ao kanoan Rewi aika a maeka n ai aroia aomata ake i rarikiia. A bon tia ni karaoi aia bure kaain Kanaan, kaain Eta, kaain Beriti, kaain Iebuti, kaain Ammon, kaain Moaaba, kaain Aikubita, ao kaain Amora aika a rangi ni kakamaaku.

Neemia 13:23

Ao I kunea b'a iai tabeman Iutaia ake a tia ni mare ma ainen Atitota, Ammon, ao Moaba.

Taian Areru 78:55

E kakioia nako kaain te aba mai m'aaia; E tib'ai abaia nakoia barongan nako Iteraera, Ao E anga mwengaia b'a a na maeka iai ana Aomata.

Te Otinako 15:7

Ko tewenakoia am kairiribai ni mimitongin am tokanikai; ao e tii nako uran unim ni kabuokiia n ai aron te uteute ae m'au.

Te Otinako 23:28

N na kakamakuia kaain Iwa, kaain Kanaan, ao kaain Eta ngkana kam niiniia.

Te Otinako 23:32

Ma kam na aki karaoa te boraraoi teuana ma ngaiia ke ma antiia.

Te Otinako 23:33

Kam na aki katikuia i abami. B'a ane ana kam'aneingkami iai ni karaoi buure aika a kaitaraai ao kam na taromauriia antiia iai.

Te Otinako 33:2

Bon te aba are e rawata iai te miriki ao ana karewe te manibeeru, ao N na kanakoa te anera b'a e na kairoroia ni kanakoia aomata ake a maeka ikekei,

Te Otinako 6:8

N na karokoi ngkami n te aba are I karaoa iai au berita ae e matoa nako ia Aberaam, Itaaka, ao Iakob'a, ao e na riki b'a ami b'ai. Bon te UEA Ngai.”

Nakoaia Ibonga 14:34

ake tuan te rebera are a reke n auti nako. (A na kamanenaaki tuua aikai irouia Iteraera ngkana a rin n te aba are Kanaan, are te aba are E a kaman anganiia te UEA b'a abaia.)

Warekaia Iteraera 13:29

Ao i rarikin anne, a maeka kanoan Amareka n te Rereua are i Maiaki, ao a maeka kaain Eta, kaain Iebuti, ao kaain Amora n aaba ake a tabukibuki, ao a maeka kaain Kanaan i mataniwiin Taari are te Mereterenian, ao mataniwiin naba te karaanga are te Ioretan.

Warekaia Iteraera 14:31

Kam raraoma ngkoa i bukiia natimi b'a a kaawa ni manga tauaki b'a taian taenikai. Ma boni Ngai ae te UEA, ae N na bon karokoia n te aba are kam ribaia.

M'akuri 13:19

Ao ngke E a tia ni kamaunaia botannaomata ake itiua n te aba are Kanaan, ao E anganiia abaia b'a a na abanna,

Te Tua-Kaua 11:29

Ngkana E tia te UEA ae Atuami ni buokingkami n taua te aba, ao kam na karaoa te bootaki ike kam na katanoata iai Ana kakab'aia te UEA man te Maunga are Keritim, ao Ana kamaraia man te maunga are Eeb'ara.

Te Tua-Kaua 20:1

Ngkana kam nang nakon te buaka, ao kam nooria b'a e korakora riki aia taanga ni buaka ami kairiribai nakoimi, ao a m'aiti riki naba aia aoti, ma aia kaa ni buaka, ma kam na aki maaku. E a tia te UEA ae Atuami ni kamaiungkami mai Aikubita, ao E na boni buokingkami ni buaka.

Te Tua-Kaua 20:16

Ngkana kam taua naba taiani kaawa ake E anganingkami te UEA ae Atuami, ao kam na riai ni kakoauaa b'a kam na tiringiia aomata ma man aika kawakawa ni kabane.

Te Tua-Kaua 31:20

I uotiia ngkai nakon te aba are I berita iai nakoia aia bakatibu. Bon te aba ae kaub'ai n te miriki ma ana karewe te manibeeru, ao e na ri aon ae riai m'aitin kanaia kain Iteraera. Ma ane a na marikarika ao a na tannako mairou.

Te Tua-Kaua 31:3

Ma E a tia ni berita b'a E na kairingkami boni Ngaia ma Iotua ri aon te Ioretan ni buakaniia botannaomata ake a maeka n iterana are teuana. E na tiringiia botannaomata aikai te UEA, n aron are E a tia ni karaoia nakoia Taion, ao Oka ake uean Amora ake uoman. Ururingnga b'a ngkana kam taua te tabo teuana, tiringiia kaaina ni kabane akana a maeka iai.

Te Tua-Kaua 4:38

Ao ngkai kam a kaaitaraia botannaomata aika raka riki korakoraia nakoimi, ma E a kaman kanakoia aomata te UEA mai abaia ma n anganingkami.

Te Tua-Kaua 6:1

E tuangai te UEA b'a N na anganingkami tuua ma reirei aikai, ma ngaia are, kam kona n ongotaeka iai n te aba are E anganingkami. Ai ti teutana riki te tai ao kam nang ri nanon te Karaanga are te Ioretan ma n taua te aba.

Te Tua-Kaua 6:10

E berita te UEA nakoia ami bakatibu ake Aberaam, Itaaka, ao Iakob'a b'a E na anganingkami te aba aei. Ngkai, E na karokoingkami ikekei ma n anganingkami ami kaawa aika buubura, ma taian kateitei iai aika tamaroa aika kam aki karaoi,

Te Tua-Kaua 6:23

E kainaomataira te UEA mai Aikubita b'a E aonga ni karokoira n te aba aei, n aron are E a tia ni berita iai nakoia ara bakatibu.

Te Tua-Kaua 9:1

Kam na ongora Iteraera irou. Kam a kaan ri nanon te karaanga are te Ioretan nakon te aba ma ni kakionakoia botannaomata ake a maeka ikekei. A boni korakora riki nakoimi, ao a rietaata nako karawa oon aia kaawa.

Te Tua-Kaua 9:3

Ma E a tia ni berita te UEA ae Atuami b'a E na ririmoami, kaanga ai aron te ai ae kabuebue ae kabueki b'aai ni kabane mai m'aaini kawaimi. Ma ngaia are, ngkana kam buakaniia ami kairiribai, ao e na bon rangi ni bebete iroumi ngkana kam tiringiia man taua te aba.

Te Tua-Kaua 9:4

Ao ngkana E buokingkami te UEA n tiringiia botannaomata ake tekorakina man taua abaia, ao kam na tai taku b'a E karaoa aei i bukina b'a aomata ngkami aika raoiroi. Kam aki raoiroi--kam bonotaninga. Bon tiaki ngaia anne, ma E nang bon buokingkami te UEA, i bukina b'a a buakaka botannaomata ake a maeka ikekei, ao i bukina naba b'a E tangiria ni kaawakina ana Berita are karaoia ma ara bakatibu ake Aberaam, Itaaka, ao Iakob'a.

Iotua 11:3

Ao e kanakoi naba ana taeka nakon uean Kanaan ake i mainiku ao i maeao, nakoia taian Amoraite, ma te baronga are Eta, ma taian Beritaite, ma Iwaite ake i aan te maunga are Oman n te aba are Mitib'a.

Iotua 24:11

Kam ri aon te Ioretan ao kam roko i Ieriko ao a buakani ngkami aomatan Ieriko ma taian Amoraite, ma Beritaite ma aomatan Kanaan ma aomatan Eta ma taian Kirekataite, ma Iwaite ma aomatan Iebuti, ma kam konaia ni kabane i bukina b'a I anganingkami te tokanikai i aoia.

Iotua 3:10

E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi