Te Tua-Kaua 6:3 - Te B'aib'ara

³ Kakauongo raoi, Iteraera. A taromauria te UEA ami bakatibu, ao E berita b'a E na anganiira te aba aei ae bati iai te miriki ma ana karewe te manibeeru. Ongotaeka raoi i rouna, ao kam na tetekeraoi ma n riki b'a te botannaomata ae korakora.

Te Tua-Kaua 6:3 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 15:5

Ao E kairiia te UEA nako tinaniku, ao E taku, “Taraa karawa, ao kataia ni wareki taiani itoi; a na riki kanoam kanga ai aron m'aitin taian itoi.”

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

Karikani B'aai 26:4

N na anganiko am kariki aika ai aron m'aitin taian itoi i karawa, ao N na anganiia te aba aei ni kabane. Ane a na bubutiai botannaomata b'a N na kakab'aiaia naba n aron kakab'aiakiia am kariki.

Karikani B'aai 28:14

A na rangi ni m'aiti am kariki n ai aron m'aitin tanon aonnaba. Ao a na rababanako abaia ni wairio, ni waerake, nakoiang, ao n nakoaiaki, ao ane a na butiai botannaomata b'a N na kakab'aiaia n ai arou ngke I kakab'aiako ma am kariki.

Taian Areru 119:4

Ko tuangiira am Taeka b'a ti na botum'aka n tauu.

Te Otinako 1:7

ma a riki rake ni m'aiti aia kariki Iteraera, ao a karikiia natiia aika m'aiti ma ni korakora ni karib'aia kaain Aikubita,

Te Otinako 3:17

ao I berita b'a N na kairiia ni kaotinakoia man aia kangaanga. N na anganiia te aba ae e m'aiti iai te miriki ao ana karewe te manibeeru, ike a maeka iai ngkai kaain Kanaan, kanoan Eta, kaain Amora, kaain Berita, kaain Iwa, ao kaain Iebuti.

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Te Minita 8:12

A karaoi buure aika tebubua m'aitiia, ao a maiu ni karokoa karaia, ao a aki reke n te taeka n rabakau are e kaangai: A na teetekeraoi aomata nako aika a maiuakina te raoiroi ao a karinea te Atua,

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Ieremia 42:6

e ngae ngkana te b'ai ae ti aki tangiria ni karaoia. Ti na ongotaeka i roun te UEA b'a a aonga n nakoraoi b'aai ni kabane nakoira.”

Ieremia 7:23

Ma I ti kaangai nako ia, “Ngkana kam ongo i Rou ma ni karaoi b'aai aika I tuangngkami, ao N na riki b'a Atuami, ao ngkami kam na riki b'a Au aomata, ao a na akea ami kangaanga.”

M'akuri 7:17

Ma ngke e a kaan te tai are E nang kakoroa iai bukin ana taeka n akoi te Atua are E tuanga Aberaam, ao e a tia n raka rake m'aitiia ara aomata ni kabatiaaki riki i Aikubita,

Te Tua-Kaua 11:9

are E a tia ni berita iai te UEA nakoia ami bakatibu, ma kanoaia. E rawata iai te miriki ao ana karewe te manibeeru, ao kam na maeka ikekei ma ni kukurei iai n te tai ae maan.

Te Tua-Kaua 26:15

Ara UEA, Ko na tararikaaki man am Tembora ane i karawa ao kakab'aiaia Iteraera. Ko berita ngkoa nakoia ara bakatibu b'a Ko na anganiira te aba aei ae kaub'aina te miriki ma ana karewe te manibeeru, ao Ko a tia ni kaawakina am Berita.

Te Tua-Kaua 26:9

Ko karokoira ikai ao Ko anganiira te aba aei ae m'aiti iai te miriki ma ana karewe te manibeeru.

Te Tua-Kaua 31:20

I uotiia ngkai nakon te aba are I berita iai nakoia aia bakatibu. Bon te aba ae kaub'ai n te miriki ma ana karewe te manibeeru, ao e na ri aon ae riai m'aitin kanaia kain Iteraera. Ma ane a na marikarika ao a na tannako mairou.

Te Tua-Kaua 4:40

I kab'arab'arai ana Tua ma ana Reirei. Ao ngkana kam ongotaeka nako iai, ao a na ab'ab'aki maiuia kanoami, ao a na teimatoa ni maekana te aba are anganingkami te UEA.

Te Tua-Kaua 8:8

Kam kona ni ken taiani kaab'a n taian tabuki aikai, ao atiibuna bon taiani biti. Kam aki kona ni baki iai b'a a m'aiti iai taiani uita, b'aare, ao taiani katawanang, ao ai uana naba ma taiani kureebe, ao oriwa aika rawata uaaia, bamkuranete, ao taiani kainam'arake, ao a m'aiti naba ikekei aia karewe te manibeeru.