Te Tua-Kaua 5:9 - Te B'aib'ara

⁹ Kam na aki bobaraaki n taromauriia taiani bouananti. Bon te Atua ngai ae Atuami, ao I tangiria b'a kam na kabanea nanomi nako Iu. Ngkana kam aki kubarai ma n taromauriia taiani bouananti, ao N na katuaaia kanoami ni karokoa te katenroro ma te kaaroro.

Te Tua-Kaua 5:9 ပူးပေါင်းရင်းမြစ်များ

2.Uea 17:35

N te tai arei ngke E a tia te UEA ni karaoa ana Boraraoi ae e matoa ma ana Aomata ake Iteraera, ao E taku nakoia: Kam na aki taromauriia anti tabem'aang. Kam na aki bobaraaki nakoia ke n angakarea nakoia.

Te Otinako 34:14

I rangi ni kainanoa ami kakaonimaki ni kabane--kam riai n aki taromauri anti tabem'aang!

Te Otinako 34:7

I kakaawakina au berita nakoia au aomata n aki toki, ma I katuaaia aomata nako aika a bure. Ngkana a bure aomata, I katuaaia ma natiia, ao tibuia naba ma tibutoruia, ao tibutarataraia.”

Ieremia 32:18

Ko kaota am akoi nako ia roro aika ngaa, ma ko bon katuaaia aomata i bukin aia bure aia karo. Bon te UEA Ngkoe ae Moan te M'aaka.

Warekaia Iteraera 14:18

b'a Ko tangiria ni kaota te akoi ma te nanoanga. Ao Ko taku naba b'a Ko rangi n taotaonakinano, ma Ko bon katuaaia naba aika a tia n karaoa te m'akuri ae bure, tiaki ti ngaia ma Ko katuaaia naba natiia, ao natin natiia.

Te Tua-Kaua 4:16

b'a kam na aki taromauriia bouananti. Tai karaoi bouananti aika a na taromauriaki, aika kaanga tamneia m'aane, ke aine,

Te Tua-Kaua 4:24

E na un te UEA ngkana kam taromauri atua tabeman, ao E kona n riki b'a te ai n tiring b'aai ni kabane ake i m'aain kawaina.

Te Tua-Kaua 6:15

Ngkana kam taromauriia atua tabeman, ao E na rangi n un te UEA iroumi, ao E na kamaunaingkami mai aon te aonnaba. E mena iroumi te UEA ae Atuami,

Te Tua-Kaua 7:10

Ma ngkana kam a manga kaitaraa te UEA, ao E na bon waekoa n tiringingkami.