Te Tua-Kaua 4:9 - Te B'aib'ara

⁹ Kam na rangi n taratara raoi b'a kam na aki m'aninga b'aai ake E a tia ni karaoi te UEA nakoimi. Kam na teimatoa ni bon kakauringingkami i bon iroumi, ao tuangiia natimi ma tibumi naba.

Te Tua-Kaua 4:9 ပူးပေါင်းရင်းမြစ်များ

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

Taian Areru 119:11

I kaaki am Taeka i nanou, b'a I aonga n aki bure nakoim.

Taian Areru 71:18

Te Atua, tai kaaki taekau ngkai I a kara ao e a iaia iran atuu! Ko na raonai n au tai n tataekin am M'akuri ake ab'ab'aki ma ni kamimii nakoia roroo nako aika na roko.

Te Otinako 10:2

ao ko aonga naba ni konaa n tuangiia ami ataei ma tibumi arou ni kaburababaia kaain Aikubita ngke I karaoi taian kakai. Ane kam na bane n ataia b'a bon te UEA Ngai.”

Te Otinako 23:13

Ma kakoauaa raoi b'a kam ongotaeka nakoni b'aai nako aika I a tia n taekin. Kam na aki tataro nakoia anti tabem'aang ke n atong araia.

Taeka n Rabakau 1:8

Natiu, ko na ongotaeka nakon reireiam mairouia am karo,

Taeka n Rabakau 23:26

Natiu te m'aane, kakauongo raoi, ao kukurei ni katotoongai.

Taeka n Rabakau 3:21

Natiu, kamanena am iango ao ana babaaire nanom ae e raoiroi! Kaawakinna inanom n taai nako.

Taeka n Rabakau 7:1

Natiu, ongora raoi ao tai m'am'aninga te b'ai ae I tuangko b'a ko na karaoia.

Itaia 38:19

Bon ti aomata aika a konaa ni karab'ako, n aron ae I karaoia n te bong aei. Rooro nako a na kaongoia te roro ake i mwiia aron am kakaonimaki.

Itaia 42:20

are e rangi n noraaba ao n raoiroi taningana, ma e aki muuti.

Ieremia 17:21

Ngkana kam kan kariki maiumi b'a b'aai aika a kakaawaki,

Ruka 8:18

Kam na tarataraingkami ngkanne n aromi n ongora: b'a ane e na anganaki riki teuare iai ana b'ai, ao ane akea ana b'ai, ao e na anaaki mai rouna are e taku b'a ana b'ai.

I-Ebeto 6:4

Ao ngkami taama, tai kauniia natimi: ma kam na tongaiia ma ni kairiia i aan te reireiaki ma te tuatuangaki aroia aika riai n ai aron nanon te UEA.

Te Tua-Kaua 11:19

Reireiniia ami ataei iai. Taetaekinna nakoia ni katoa tai--ngkana tao kam nakonako i aon te kawai ke ngkana kam nang matu i aon kiemi n te tairiki, ke ngkana kam uti n te ingabong.

Te Tua-Kaua 12:1

N na tuangngkami tuua ma reirei aika kam na ongotaeka nako iai ngkana kam a maeka n te aba are anganingkami te UEA are Atuaia ami bakatibu, ni boong ni kabane aika kam maiu iai i aon te aonnaba.

Te Tua-Kaua 16:3

Kam na kang taian iriko ni kabane akana taiani karea i bukin te Riao n te tairiki naba anne. Ma kam na aki kamanena te kariki ae karikaki n tain te am'arake n te Riao. Kam na kamanena te aekaki ni kariki are mmani are kam kanna naba ngke tooro ngkoa ngkami aika kam karawawataaki i Aikubita, ao ngke kam nang kiitana Aikubita n te tai ae waekoa. E na riki te kariki ae mmani aei b'a kauringakimi n taai nako te bong are kam kiitana iai Aikubita. Kam na aki karaoa te kariki ae itinaki i nanon itiua te bong, i nanon bongin te Toa are te Riao, Kam na aki karaoa te kariki ae itinaki. E nanonaki raoi iai b'a a na bon akea te iti i aon Iteraera ni kabutaa.

Te Tua-Kaua 17:19

E na wawareki taian tua aikai te uea ni katoa bong ao ni karaoi nanoia, b'a e aonga n reireinna aron taromaurian te UEA ma n ruru ni maakua

Te Tua-Kaua 29:29

E a tia ni kaota ana Tua te UEA ae Atuara nakoira, ao ti na riai n ongotaeka iai n taai nako ma kanoara, ma bon iai naba b'aai aika E tuai kaoti nakoira.

Te Tua-Kaua 31:19

Moote ma Iotua, N na anganingkami taekan te anene ae boou. Kam na koroi ao reireiniia Iteraera. Ngkana a kamateb'aia, ao ane a na atai baika I tangiria b'a a na karaoi. Ma ngaia are, a na bon akea aonaia ngkana a aki ongotaeka irou.

Te Tua-Kaua 32:46

ao e taku, Kam na ururinga te anene ae I a tia n reireiningkami n te bong aei. Ao e na riki b'a te b'ai n reirei nakoimi b'a kam riai ni manga reireiniia ami ataei b'a a na ongotaeka b'aai ni kabane akana m'akoro n Ana Boki n Tua te Atua.

Te Tua-Kaua 4:10

Kam uringa te tai are kam tei iai i matan te UEA n te Maunga are Tinai? Ao E taku te UEA, Kairiia mai Iteraera nako ikai. I tangiria n taetae nakoia b'a a aonga n ongotaeka nako Iu i nanon aia tai ni maiu, ao a na manga reireiniia aia ataei b'a a na ongotaeka naba i Rou.

Te Tua-Kaua 4:15

Ao ngke e taetae te UEA nakoim man te ai, ao bon akea rab'atana. Ma ngaia are, kam na taratara raoi

Te Tua-Kaua 4:23

Kam na ururinga te boraraoi n taai nako are E karaoia te UEA ae Atuami ma ngkami, ao kam na aki karaoa te bouananti ni katotongi tamnein b'aai tabeua.

Te Tua-Kaua 6:12

ao kam na aki m'aninga ae bon te UEA ae kainaomataingkami man te toronaki i Aikubita.

Te Tua-Kaua 6:2

Ao ngkana kam tangiria ni kaananau maiumi ma kanoami, ao kam na taromauria te UEA ma n ongotaeka n ana Tua.

Te Tua-Kaua 6:20

Ao ane a na titiraki natimi n te bong teuana ni kaangai, E aera te UEA ngkai E anganiira tuua ma reirei aikai?

Te Tua-Kaua 6:7

ao tuangiia ami ataei n taai nako. Taetaekinna n taai nako, ni mwengami ke i aon te kawai ke i aoni kiemi n te tairiki, ke ngkana kam uti n te ingabong.

Te Tua-Kaua 8:11

Kam na riai ni kakoauaa b'a kam na aki m'aninga te UEA, ke n aki ongotaeka nakon ana Tua ma ana Reirei ake I a tia n anganingkami n te bong aei. Ngkana kam ongotaeka nako iai n taai nako,

Te Tua-Kaua 8:14

Ma ngkana a riki baikai, ao kam na aki kainikatonga. Kam na aki m'aninga ae bon tooro ngkoa ngkami i Aikubita, ao bon te UEA ae kainaomataingkami.

Ebera 2:1

Ma ngaia ae e riai b'a ti na tau ni kamatoai baika ti a tia n ongo, b'a ti kawa ni beibeti nako.

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;

Iakobo 2:22

Ko noria ngkanne b'a te onimaki e m'am'akuri n ana m'akuri Aberaam, ao e kakoroaki raoi ana onimaki n ana m'akuri.

Iotua 1:18

Ane e aki karinea m'akam ma n rawa n ongo n am taeka ao e na tiringaki. Ko na korakora ao ko na ninikoria!”

Iotua 23:11

Ma ngaia ae ti bon riai n tangira te UEA ae Atuara n ti ngaia ma te nano ae koaua.

Iotua 4:21

Ao e taku nakoia kanoan Iteraera, “Kam na kangai nakoia kanoami ngkana a titirakiningkami i bukin atiibu aikai n ririki aika a na roko.

Te Kaotioti 3:3

Ma ngaia ae ko na uringa aron are ko reireiaki iai ma are ko ongo; ao ko na taua, ao raira nanom. Ma ngaia aei, ngkana ko aki kamarurungko, ao ae N na nako im n ai aron te tia iraa, ao ane ko na bon aki ata te aoa ae N na roko iai i roum.

Tani Motiki-taeka 3:7

Ao a bure Iteraera i bukina ngke a m'aninga taekan te UEA ma n taromauriia bouanantin B'aara ao Nei Aatera.

Tani Motiki-taeka 8:34

Ao a m'aninga taekan te UEA Iteraera ae Atuaia, ae E a tia ni kamaiuia mai rouia aia kairiribai ake i rarikiia.