Te Tua-Kaua 4:2 - Te B'aib'ara

² ao ngkai E a manga riki b'a Atuami. I taekin nakoimi tuua ni kabane ake E tuangai, ma ngaia are, kam na aki karakai ke ni kanakoi b'aai tabeua man tuua akanne.

Te Tua-Kaua 4:2 ပူးပေါင်းရင်းမြစ်များ

Taian Areru 78:7

Ao aei aroia are a na kona iai natiia ni manga onimakina te Atua, Ao n aki m'anuokini baike E a tia ni karaoi, Ma a na ongeaba n taai nako nakon ana tua.

Taeka n Rabakau 30:6

Tai manga bita te b'ai ae e a tia n taekinna te Atua! E na kaetiko mani katereterea nakoim b'a te tia kewe ngkoe.

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Ieremia 26:2

Ieremia, iai Au rongorongo nako ia aomata nako aika a roko mai Iuta b'a a na taromauri n au Tembora. Ko na nako nakon katawanangin te Tembora ao taekin b'aai ni kabane ake I taekin nakoim.

Mataio 5:18

B'a e koaua ae I a tuangngkami, b'a ngkai e tuai ni mauna karawa ma aonnaba, ao e na bon aki mauna manin taekan te Tua ae te kabanea n uarereke, ke aron taekana ae te kabanea ni kimototo, i m'ain rikini b'aai nako ake a taekinaki n te Tua b'a a na riki.

Mataio 5:43

“Kam ongo b'a e atongaki ae kangai, ‘Ko na tangiriia raoraom, ao riba am kairiribai.’

I-Karatia 3:15

Taari, N na taekina te b'ai ni kakairi man te bae e nonoraki irouia aomata: bon akea temanna ae kona n urua ke ni karakaa riki taekan aia boraraoi aomata aika uoman, ngkana a tia ni karaoia.

Te Tua-Kaua 1:3

Ni moanibongin te katebwimateuana n nam'akaina, n te kaabwi n ririki, ao Moote e tua b'aai ni kabane nakoia Iteraera n aron are e tuangnga te UEA.

Te Tua-Kaua 12:32

Ongotaeka nakon taian tua ma reirei aika I anganingkami. Tai manga karakai riki tabeua nakon aikai, ao tai kaaki naba tabeua man aikai.

Te Tua-Kaua 13:1

Ane na roko te burabeti temanna n te bong teuana ae kona ni karaoi taian kakai ke n taekin b'aai aika a na riki ni boong aika tuai n roko. Ao ane na kaangai te burabeti, Ti nang waakina taromaurian te anti temanna--te anti ae ti tuai ataa arona.

Te Tua-Kaua 33:4

Ao I tewea te bowi irouia barongan Iteraera ma n anganingkami ana Tua te Atua.

Te Tua-Kaua 4:14

E anganai te tua ma reirei aikai te UEA b'a kam na ongotaeka nako iai n te aba are kam na taua i maeaon te Karaanga are te Ioretan.

Te Tua-Kaua 4:40

I kab'arab'arai ana Tua ma ana Reirei. Ao ngkana kam ongotaeka nako iai, ao a na ab'ab'aki maiuia kanoami, ao a na teimatoa ni maekana te aba are anganingkami te UEA.

Te Tua-Kaua 4:5

Bon akea te botannaomata teuana ae raoiroi riki ana tua nakon tuua aika E a tia n tuangai te UEA ae Atuau b'a N na anganingkami. Ngkana kam kakaonimaki nakon tuua aikai ngkana kam rin n te aba, ao kam bon kaotingkami iai nakoia botannaomata tabeua b'a kam wanawana. Ao n te koaua, ao aomata ake a ongo ami tua a na bon kaangai, A bon rangi ni wanawana te botannaomata arei, ao tera te b'ai ae karakai arora nakoia botannaomata tabeua? E raka arora i bukina b'a iai Atuara ae memena i rarikira n taai nako ma ni kaekai ara tataro nako.

Te Tua-Kaua 5:29

Tera ngke a taromauriai n taai nako ma n ruru ni maakai, ma n ongotaeka nakon Au tua ni kabane. B'a ngkana a karaoa anne, ao a na tetekeraoi ma natiia ma ni kukurei.

Te Tua-Kaua 5:32

Kam na riai n ongotaeka raoi nakon ana Tua te UEA.

Iotua 1:7

Ko na korakora ma n ninikoria riki n toui mwiin tuua ni kabane ake e a tia n anganiko Au toro are Moote. Ngkana ko aki kaaki teuana mai i buakon tuua aikai ao e na bon iriiriko te tekeraoi n taabo nako ike ko nako iai.

Iotua 8:35

Bon akea te tua teuana ae aki warekia Iotua nakoia aomatan Iteraera ni kabane, m'aane, aine, ataei, ao iruwa naba ake a maeka i buakoia.