Te Tua-Kaua 26:3 - Te B'aib'ara

³ ao kam na tuanga te ibonga ni kaangai, E a tia ni berita nakoia ara bakatibu te UEA ae Atuara n taai ake ngkoa, b'a E na anganiira te aba aei. Ao n te bong aei, I kaaitaua i bukin kaawakinakin ana Berita, ao anganakiu tib'au te aba.

Te Tua-Kaua 26:3 ပူးပေါင်းရင်းမြစ်များ

Karikani B'aai 17:8

N na anganiko ma am kariki te aba ae te iruwa ngkoe iai ngkai. E na riki te aba ae Kanaan b'a aia b'ai ami bakatibu n akea tokina, ao N na riki b'a Atuaia.

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

Te Tua-Kaua 1:8

I anganingkami ngkai te aba aei n aron are I a tia ni berita iai nakoia ami bakatibu ake Aberaam, Itaaka, ao Iakob'a. Kam na nako ngkai n taua te aba.’ ”

Te Tua-Kaua 19:17

ao ko na uotaki nakon te tabo are E taromauriaki iai te UEA. Ao a na kakaea taani moti ma ibonga ikekei b'a ko kewe, ke ko koaua. Ngkana ko kewe, ao akea ana bure te aomata are ko bukinna,

Te Tua-Kaua 26:2

ao kam nang uniki arokami taiani uita ma b'aare iai. Ao ngkana kam a moana taian uaan arokami mai iai, ao kam na nnea are kam moan anaia i nanon te b'atiketi. Kam na uoti nakon te tabo are e a tia n rineia te UEA ae Atuami b'a te tabo are E na taromauriaki iai,

Te Tua-Kaua 26:4

Ao a na anaa te b'atiketi ibonga ma ni katikua i matan ana Baonikarea te UEA.

Ebera 10:21

ao ngkai iai ara Ibonga ae Kakannato ae E mataniwi n ana auti te Atua;

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.