Te Tua-Kaua 2:9 - Te B'aib'ara

⁹ E taku te UEA nako iu, ‘Ko na aki kataia ni buakaniia kaain Moaaba. Tai kumeia, b'a I a tia n anganiia te aba are arana Are nakoia, ao N na bon aki anganingkami teutana mai iai.’ ”

Te Tua-Kaua 2:9 ပူးပေါင်းရင်းမြစ်များ

2.Rongorongo 20:10

Ko bon nooria b'a ae a buakaniira aia taanga ni buaka Ammon, Moaba, ao Etom! Bon botannaomata aikai ake ko aki kariaia ngkoa b'a a na buakanaki irouia ara bakatibu i aon kawaia mai Aikubita, ma ngaia are, a bon aki mauna nako botannaomata aikai.

Taian Areru 83:8

A raonaki naba irouia kaain Aturia, are te botannaomata ae matoatoa ae raoraoia I-Ammon ma I-Moaaba, ake a riki mairoun Roota.

Itaia 15:1

Aio te rongorongo i bukin Moaaba: A kamaunaaki kaawa aika Are ao Kiri n te tairiki. E tiku n urubekebeke Moaaba!

Warekaia Iteraera 21:15

ma taiani m'arua are wene i aon tian abaia kaain Moaba, ma n roota te kaawa ae Are.

Warekaia Iteraera 21:28

A m'aati nakon te buaka ana taanganibuaka kaanga ai aron uran te ai, ma ni kabuoka te kaawa are Are, ma ni kamaunai taian tabuki ake i rarikin te karaanga are Arenon.

Warekaia Iteraera 22:4

Ao a taku nakoia taani kairiri mai Miria, “A na kamaunai b'aai ni kabane ake a mena i mataia Iteraera aikai, kaanga ai aron te kaomm'aane ngkana e kana uteuten te katawanang.” Ma ngaia are, e kanakoa ana rongorongo

Te Tua-Kaua 2:29

Ti tii kainanoa rokora n te Karaanga are te Ioretan ma n ri nanona, i bukina b'a E a anganiira te UEA ae Atuara te aba are mai maeao. A tia kaain Etom ma Moaaba ni kariaia b'a ti na ri nanon abaia. Taiaoka, kariaia b'a ti na ri nanon naba abami.”

Te Tua-Kaua 2:5

ma kam na aki buakaniia. I a tia n anganiia aaba ake a tabukibuki ake Teira, ma ngaia are, bon akea ae I anganingkami mai iai, ao bon akea naba teutana ae na reke nnen waemi iai.

Tani Motiki-taeka 11:15

ao a tuangnga ana taeka Iebeta ae kaangai: Bon akea te aba ae anaia Iteraera mai rouia kaain Moaaba ma kaain Ammon.

Tani Motiki-taeka 11:17

Ao a kanakoa te rongorongo nakon uean Etom ao a taku, Taiaoka, ti na ri nanon abami. Ma e rawa uean Etom. A kanakoa naba te rongorongo nakon uean Moaaba, ma e rawa naba ni kariniia Iteraera. Ma ngaia are, a tiku Iteraera i Kateti.

Tani Motiki-taeka 11:18

Ao tabeua te tai i mwiina, ao a m'ananga nako Iteraera nakon te rereua, n ri mainikun Etom ao Moaaba, ao a manga kaemb'a i mainikun te Karaanga are uarereke are Arenon. Bon tian Moaaba mai mainiku te Arenon, ao ngkai a aki ri nanona Iteraera, ao a bon aki roko naba n te toua tanon Moaaba.