Te Tua-Kaua 2:4 - Te B'aib'ara

⁴ Ao anganiia aomata kaetieti aikai: ‘Taratara raoi, b'a kam nang ri nanon te aba are abaia ami koraki, ake kanoan Etau n te tai ae aki maan. A maakuingkami,

Te Tua-Kaua 2:4 ပူးပေါင်းရင်းမြစ်များ

Karikani B'aai 25:23

Ao E taku te UEA nako ina, “Bon uoua te botannaomata ane i birotom; Ko na bungiia uoua te botannaomata aika a kairiribai. E na korakora riki temanna nakon are temanna, E na m'akuri teuare te karimoa iroun teuare te karimwi.”

Karikani B'aai 36:8

Ma ngaia are, e a maeka Etau n te aba are tabukibuki i Etom.

Te Otinako 15:15

A maaku taani kairiri i Etom; a ruru m'anen Moaba ake a korakora; ao a biu kaain Kanaan.

Te Otinako 15:16

A taonaki n te maaku ae moan te korakora. A noora korakoran te UEA, ao a tei n akea angin nanoia i bukin te maaku ni karokoa banen raoi am aomata ni m'ananga i rarikiia ake am aomata ngkoa ake Ko kainaomataia man te toronaki.

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

Ruka 12:15

Ao E a manga taku riki nako ia, “Tarataraingkami! ao kawakiningkami man te mataai ni kanib'aib'ai ni kabane; b'a maiun te aomata, e aki mena n ana b'ai, e ngae ngkana a reke i rouna ni m'aiti.”

I-Ebeto 5:15

Ma ngaia ae kam na taratarai aromi ni maiumi: kam na aki maiu n ai aroia akana aki ataib'ai, ma kam na maiu n ai aroia akana ataib'ai.

Te Tua-Kaua 2:3

e a bati n tau tiotionakoia Iteraera n aaba aika tabukibuki aikai. Manga rairaki ao nakoiang.

Te Tua-Kaua 23:7

Ma kam na aki ribaia kaain Etom b'a bon ami koraki, ao kam na aki ribaia naba kaain Aikubita b'a kam maeka ngkoa n iruwa i abaia.

I-Biribi 2:15

b'a kam aonga n aki bukintaeka ngkana iai te kairua ae riki, ao b'a kam aonga n itiaki man te aro ae buakaka, ngkai natin te Atua ngkami aika akea te kairua iroumi i buakon te roro ae b'aoua ae buakaka; aika kam oota i buakoia b'a kanga itoi i aon te aba,

I-Korote 4:5

Kam na nakonako ma te wanawana i mataia akana tuai n onimaki, ni kamanenai raoi ami tai.