Te Tua-Kaua 1:2 - Te B'aib'ara

² Tebwi ma teuana te bong kawaran Kaatetib'aania mai Oreb'a n te kawai are Tabukin Teira.

Te Tua-Kaua 1:2 ပူးပေါင်းရင်းမြစ်များ

Karikani B'aai 32:3

Ao e kanakoa ana tia uarongorongo Iakob'a ri moana nakon tarina are Etau n te aba are Etom.

Te Otinako 17:6

N na tei i m'aaim i aon te b'a are n te Maunga are Tinai. Ko na orea te b'a, ao ane na tiinako te ran man te b'a i bukin nimaia aomata.” Ao e karaoa arei Moote i mataia aia taani kairiri Iteraera.

Te Otinako 3:1

N te bong teuana, ao Moote e tararuaia ana tiibu ma ana kooti taman buuna are Ietero are ibongan Mirian. Ao e iangoia Moote b'a e na kairiia maan ri nanon te rereua nako Tinai, te maunga are e tabu.

Nakoaia Ibonga 2:14

Kam na anga te uita are e tinimaki ke te uita are kamantaki teutana.

Nakoaia Ibonga 9:23

Ao a kaai n nako Moote ma Aaron nakon ana Um'antabunrianna te UEA ae e meemena iai, ao ngke a otinako, a kakab'aiaia aomata, ao e kaoti ootan mimitongin rokon te UEA nakoia aomata ni kabane.

Warekaia Iteraera 13:26

ao a okirikaaki mm'aane ake tengaun ma uoman nako Kateti n Rereuan B'aran, ao a tuanga Moote ma Aaron, ao aomata baike a tia n noori, ao a kaoti uaani kaai nakoia

Warekaia Iteraera 32:8

Bon aei te b'ai are riki ngke I kanakoia ami bakatibu mai Kateti B'aanea b'a a na tuoa te aba.

Te Tua-Kaua 1:19

“E a tia te UEA n tuangiira b'a ti na kiitana te Maunga are Tinai ma ni kawari aaba ake a tabukibuki ake abaia kaain Amora. Ma ngaia are, ti a m'ananga nakon te rereua are rangi ni korakora. I taku b'a kam bon uringa makura n te tai anne, ma ti waekoa n roko i Kaatetib'aania,

Te Tua-Kaua 1:44

Ma ngke a buakaningkami kaain Amora man aaba ake a tabukibuki man aia kaawa, ao kam birinako mairouia kaanga ai aron ae kam birinako mairouia te taanga ni manibeeru. Ao a kakioia ami taanga ni buaka kaain Amora nako Teira ni karokoa Orema, ao a tiringiia i nanon aia tai ni kakioia.

Te Tua-Kaua 2:1

Ti kabanei ririki aika bati n tiotionako i tinanikun aaba ake a tabukibuki i Teira,

Te Tua-Kaua 2:4

Ao anganiia aomata kaetieti aikai: ‘Taratara raoi, b'a kam nang ri nanon te aba are abaia ami koraki, ake kanoan Etau n te tai ae aki maan. A maakuingkami,

Te Tua-Kaua 2:8

“Ti ri rarikin te aba are abaia ara koraki, ake kanoan Etau. Ti toua kawain Arab'a are e moa mai maiaki i Erata ao Etion Keeb'a, ao i mwiina, ti a manga rairaki nakoni kawain te rereua are nako Moaaba.

Te Tua-Kaua 9:23

Ao E a manga taku te UEA i mwiina i Kaatetib'aania, I anganingkami te aba, ma ngaia are, kam na nako n taua. Ma i bukina ngke kam aki onimakina te UEA, ma ngaia are, kam kaaitaraa, ao kam aki ongotaeka nakon ana Tua.

Iotua 14:6

N te bong teuana ao a roko tabeman aomata man te baronga are Iuta ni kawara Iotua i Kirekara. Temanna mai buakoia, Kareb'a are natin Iebunne are te Kenitaite, e taku nako ia, “Ko ataa Ana taeka te UEA are e taekinna ngkoa i bukim ao i buku i Kateti-b'anea nakon Moote are Ana aomata te UEA?