Te Otinako 9:7 - Te B'aib'ara

⁷ E titiraki te uea b'a tera te b'ai ae e riki ao e tuangaki b'a bon akea aia man Iteraera ae mate. Ma e bon taningabono naba ao e aki kanakoia Iteraera.

Te Otinako 9:7 ပူးပေါင်းရင်းမြစ်များ

Iobi 9:4

E rangi n rabakau te Atua ao E m'aaka, ao bon akea te aomata ae kona n teirake ni kaitaraa.

Te Otinako 3:19

Ma I ataia b'a e na bon aki kanakoingkami uean Aikubita ni karokoa iai te b'ai teuana ae e na kairoroa b'a e na kariaia.

Te Otinako 7:13

Ao e taningamatoa te uea n aron are E taku te UEA ao e aki kan ongo.

Te Otinako 7:14

E taku te UEA nakon Moote: E taningamatoa uean Aikubita ao e rawa ni bita ana iango ma ni kanakoia aomata.

Te Otinako 8:32

Ma e a manga taningamatoa naba te uea ao e aki roko n te kanakoia aomata.

Te Otinako 9:12

Ma te Atua e karika te uea ae B'arao b'a e na taningabono n aron are E a tia n taekinna b'a e na aki kan ongo B'arao iroun Moote ma Aaron.

Te Otinako 9:8

Ao E taku te UEA nakon Moote ma Aaron, “Anaa te abutana te mannang man te tabo ni kanaiai; ao e na karenakoa Moote i nanon te ang i matan te uea.

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Itaia 48:4

I ataia ae kam taningabono ao kam atuumatoa.

Taniera 5:20

Ma i bukina ngke e a manga kainikatonga ma n taningabono, ao n tiritiri, ao e a kam'awaki man ana kaintokanuea ao e bua nnena ni karineaki.

I-Rom 9:18

Ma ngaia ae E nanoangaea ae E kan nanoangaia te Atua, ao E kamatoatoa nanon ane E kani kamatoatoa.