Te Otinako 9:6 - Te B'aib'ara

⁶ Ao E karaoa are e a tia n taekinna te UEA ngke e ingabong, ao a bane ni mate aia man kaain Aikubita ni kabane, ma bon akea aia man Iteraera ae mate.

Te Otinako 9:6 ပူးပေါင်းရင်းမြစ်များ

Taian Areru 78:48

E kamate aia kao ni b'akan aiti aika buubura aika b'aka ni karau i aoia, Ao aia nanai n tiibu ni koron te baa.

Taian Areru 78:50

E aki tautaua unna ke E katibanakoia man te mate, Ma E kamateia n te aoraki ae kamaamate.

Te Otinako 12:12

N na ri nanon te aba are Aikubita nakon te tairiki, n tiringiia karimoa mm'aane; natiia aomata ma maan, ao N na katuaaia antin Aikubita. Bon te UEA Ngai.

Te Otinako 12:29

Ngke e a nuukanibong E a tiringiia naati karimoa mm'aane te UEA i Aikubita, ni moa mairoun natin te uea te mm'aane, ni karokoa natin te bure are i nanon te karabuuti; a bane naba n tiringaki karimoa mm'aane aika natiia maan.

Te Otinako 8:22

N na kamaiuia kaain te aono are Koten, ike a maeka iai au aomata, b'a e na akea te nango iai. N na karaoa aei b'a ko aonga n ataia b'a I bon mena naba n te aba aei Ngai ae te UEA.

Te Otinako 9:25

E b'akari b'aai nako te karau te aiti i aon Aikubita ni kabutaa ao e kuoti kunin taian aroka ni kabane ma b'aai nako ake i tinaniku, n reitaki ma aomata ni kabane ao maan ni kabane. E oroi taian aroka ni kabane ake n te katawanang ao e urui taian aroka ni kabane.

Te Otinako 9:26

Bon te aono are Koten, are a maeka iai Iteraera are akea iai te karau te aiti.

Te Otinako 9:4

N na kaokoroi aia man Iteraera ma aia man kaain Aikubita, b'a e aonga n akea manin Iteraera ae na mate.

Te Otinako 9:5

I a tia Ngai ae te UEA n namata te ingabong b'a te tai are N na karaoa iai aei.