Te Otinako 9:29 - Te B'aib'ara

²⁹ E taku Moote nako ina, “N na tabeka baiu ma n tataro nakon te UEA bon n te tai naba are ti otinako man te kaawa aei iai. E na toki te baa ao e na akea riki te karau te aiti, b'a ko aonga n ataia b'a bon ana b'ai te UEA te aonnaba.

Te Otinako 9:29 ပူးပေါင်းရင်းမြစ်များ

1.Uea 8:22

Ao e tei Toromon ni kaaitaraa te baonikarea ao a bane n tei aomata i bukina. Ao i mwiina, e tabeki baina nako karawa

1.Uea 8:38

ao Ko na kakauongo ngkana iai temanna ae e tataro ma nanona n raraoma ni koaua ma baina aika e tabeki nakon am Tembora.

Etira 9:5

Inanon tain te angakarea n te tairiki anne, ao I bon tekateka naba n nanokawaki ma kunnikaiu ake a raeuaaki. Ma ngaia are, I a katorobubua ao I tabeki baiu,

Iobi 11:13

Bita nanom Iobi ao nakon te Atua n tataro.

Taian Areru 135:6

E karaoa are kukurei iai i karawa ao i aon te aba, i marawa ao n taabo aika nano i kabini marawa.

Taian Areru 143:6

I tabeki rake baiu n tataro nakoim; e kai nanou n tangiram, kanga ai aron te tano ae m'auteretere ni kainanoa te ran.

Taian Areru 50:12

Ngkana tao I baki, ao N na aki tuangko; B'a bon au b'ai aonnaba ma kanoana ni kabane.

Te Otinako 19:5

Ao ngkai, ngkana kam ongotaeka i Rou, ma ni kaawakin au berita, ao kam na riki b'a au aomata. Au b'ai te aonnaba ae b'anin, ma ngkami kam na riki b'a Au aomata aika rineaki,

Te Otinako 20:11

I karaoa aonnaba, karawa, taari, ao b'aai ni kabane ake i nanoia Ngai ae te UEA i nanon onobong. Ao bon anne bukina Ngai ae te UEA are I karaoa te Taabati ma n tabuia.

Te Otinako 8:22

N na kamaiuia kaain te aono are Koten, ike a maeka iai au aomata, b'a e na akea te nango iai. N na karaoa aei b'a ko aonga n ataia b'a I bon mena naba n te aba aei Ngai ae te UEA.

Te Otinako 8:6

Ao e ongotaeka Aaron, ao a rina n roko taian biraoki ni kabuta aon Aikubita.

Te Otinako 9:33

Ao e kiitana te uea Moote, ao e otinako man te kaawa are e buubura arei, ao e tabeki baina ni kauaai n tataro nakon te UEA. Ao e toki rebwen te baa, te karau te aiti, ao e toki te karau ni kabane.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

1.I-Korinto 10:26

B'a e kangai te B'aib'ara: “Bon ana b'ai te UEA aaba nako ma kanoaia.”

1.I-Korinto 10:28

Ma ngkana e kangai temanna nako imi, “Aio are e tiringaki b'a te karea,” ao kam na tai kanna i bukin teuare kaotia, ao i bukin naba mataniwin te nano.

Te Tua-Kaua 10:14

Ana b'ai te UEA ae Atuami b'aai ni kabane, tiaki ti Ana b'ai te aonnaba ma kanoana ni kabane, ma bon Ana b'ai naba eta ma taiani karawa ake kabanea n rietaata.