Te Otinako 9:28 - Te B'aib'ara

²⁸ Tataro nakon ami UEA! Ani katoka te baa ma te karau te aiti aei! I berita b'a N na kanakoingkami; kam na aki manga tiku riki ikai.”

Te Otinako 9:28 ပူးပေါင်းရင်းမြစ်များ

1.Uea 13:6

Ao e buubutii Ieroboam ni kaangai, Taiaoka tataro nakon te UEA ae Atuam ni butiia b'a E na kamaiuia baiu.

Te Otinako 10:17

Kam na kab'araa riki au bure te kabanea n tai ao tataro b'a E na uota nako te karekekai ae rawata te aba iai aei mai rou.”

Te Otinako 10:24

E wetea Moote te uea are B'arao ao e taku, “Kam na nako ngkai n taromauriia te UEA ae Atuami; ngkami naba ma ami aine ao ataei. Ma kam na aki kairiia ami tiibu, kooti ao ami kao. A na tiku.”

Te Otinako 10:8

A a manga kaokaki Moote ma Aaron nakon te uea, ao e taku nakoia, “Kam a riai n nako n taromauria te UEA ae Atuami. Ma bon antai raoi ae e na nako?

Te Otinako 11:1

Ao e a manga taku te UEA nakon Moote, “Ai ti teuana riki te rekenikai ae N nang karokoa i aon uean Aikubita ma ana aomata. Ao i mwiin anne, e na kanakoi ngkami. Ni koauana, e na kanakoi ngkami ni kabane mai ikai.

Te Otinako 8:25

Ao te uea e kanaanako ni weteia Moote ma Aaron ao e taku nakoia, “Kam na nako n anga ami karea nakon Atuami, ma kam na aki kiitana Aikubita.”

Te Otinako 8:28

Ao e taku te uea nako ina, “N na kariaia b'a kam na nakon te rereua n anga ami karea, ngkana kam aki kararoaingkami. Ma kam a tataro naba i buku.”

Te Otinako 8:4

A na kawakawa taian biraoki i aoia aomata nako; te uea, ana aobitia, ao aomata ni kabane ake a riki b'a kaain Aikubita.

Te Otinako 8:8

Ao te uea e kanaanako ni weteia Moote ma Aaron ao e tuangiia ni kaangai, “Ngkana kam tuanga Atuami b'a e na anaia taiani biraoki aikai mai rou ao mai rouia au aomata, ao N na kariaia nakoia am aomata b'a a na anga karea nako im.”

Ieremia 21:2

“E a tia uean B'aburon are Nebukaneta i B'aburon ao ni buakana Iuta. I butiiko b'a ko na butiia te UEA b'a e na karaoa te kakai i bukiia ara aomata, n aron are e karaoia naba ngkoa rimoa, b'a e aonga n nako ni kiitaniira Nebukaneta.”

Warekaia Iteraera 21:7

Ao a nakon Moote tabeman aomata, ao a taku, “E boni bure arora ngke ti ekiko nako ma te UEA. Ma ti a butiiko b'a ko na bubutiia b'a E na kanakoia naeta aikai.” Ao e tataro Moote,

M'akuri 8:24

Ao e kaeka Timon ni kaangai, “Tataro nakon te UEA i buku, b'a e na aki riki nako iu te b'ai teuana ni baikana kam atong.”

1.Tamuera 12:19

Ao a taku nakon Tamuera, “Taiaoka ma tataro i bukira nakon te UEA ae Atuam. Ti aki kan mate. A m'aiti ara bure nako Ina n taai aika nako, ao ti bon rangi ni bure naba ngke ti a manga tangira te uea.”