Te Otinako 9:19 - Te B'aib'ara

¹⁹ Ko na anga am taeka nakon am man ni kabane ao b'aai ni kabane akana a mena i tinaniku b'a a na katanaki. E na b'aka te karau te aiti i aoia aomata ao maan akana tiku i tinaniku n aki katanaki, ao a na bane ni mate.

Te Otinako 9:19 ပူးပေါင်းရင်းမြစ်များ

Taian Areru 78:48

E kamate aia kao ni b'akan aiti aika buubura aika b'aka ni karau i aoia, Ao aia nanai n tiibu ni koron te baa.

Te Otinako 9:25

E b'akari b'aai nako te karau te aiti i aon Aikubita ni kabutaa ao e kuoti kunin taian aroka ni kabane ma b'aai nako ake i tinaniku, n reitaki ma aomata ni kabane ao maan ni kabane. E oroi taian aroka ni kabane ake n te katawanang ao e urui taian aroka ni kabane.

Te Otinako 9:6

Ao E karaoa are e a tia n taekinna te UEA ngke e ingabong, ao a bane ni mate aia man kaain Aikubita ni kabane, ma bon akea aia man Iteraera ae mate.

Etekiera 33:5

Bon ana kaairua i bon i rouna, b'a e aki tabe ma te kauring, ao e aki birinako.

Ab'akuka 3:2

Te UEA, I a tia n ongo baika Ko a tia ni karaoi, ao I onrake n te maaku. Ngkai ti maiu ao baike Ko a kaman kakaraoi. Ko na nanoanga, e ngae ngkana iai unin nanom.