Te Otinako 9:16 - Te B'aib'ara

¹⁶ N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Te Otinako 9:16 ပူးပေါင်းရင်းမြစ်များ

2.Tamuera 7:23

Bon akea riki te botannaomata n te aonnaba ae ti te bo ma Iteraera, te botannaomata are Ko kamaiua man te tautoronaki i Aikubita b'a a na riki b'a oin Am b'ai. Ko moanna n ataaki ni karaoan kakai aika a kamimii ngkana Ko kairoroia botannaomata ma antiia b'a a na kiitana abam, b'a a aonga ni konaa ni maeka ikai Am aomata.

2.Uea 19:35

E kanakoa te anera te UEA n te tairiki naba arei nakon aia kaemb'a kaain Aturia, ao E tiringiia 185,000 mai buakoia. Ma ngaia are, e a wenerua taiani mate n te ingabong are i mwiina.

1.Rongorongo 16:24

Tuangiia botannaomata nako n te aonnaba ni kaangai, “E kamimii te UEA e karaoi m'akuri aika a tamaroa”

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Taian Areru 106:8

Ma E kamaiuia i bukini karinean arana, B'a E aonga ni kaota m'akana.

Taian Areru 64:9

A na bane ni maaku; A na iangoa te baere E a tia ni karaoia te Atua ao a na taekin nakoia aomata.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Te Otinako 14:17

N na karaoia kaain Aikubita b'a a na rangi n taningamatoa n te aro are a na bon waaki naba n rimwimi, ao e na manga karineaki naba arau i bukin au tokanikai i aon te uea ma ana taanga ni buaka, ana kaa ni buaka, ao ana taan kabuti kaa ni buaka.

Te Otinako 14:4

N na karaoia b'a e na taningamatoa, ao e na manga kakioingkami, ao e na riki au tokanikai i aon te uea ma ana taanga ni buaka b'a karineau. Ane a na ataia iai kaain Aikubita b'a bon te UEA Ngai. Ao a karaoa are a tuangaki Iteraera.

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Te Otinako 9:15

Ma ngkana I tia n tabeka baiu n oroiko ma am aomata n te aoraki, ao ko na kaman mauna nako.

Te Otinako 9:17

Ma ko bon kamoamoa naba ao ko rawa ni kanakoia au aomata.

Taeka n Rabakau 16:4

Bon iai bukin b'aai nako aika e karaoi te Atua, e kamaiuia aomata aika a buakaka ti i bukin katuaaeaia.

Ieremia 32:20

Ko kakannato i bukin Am m'akuri aika a kamimii i Aikubita, ao Ko bon teimatoa ni karaoi i aon Iteraera ao ai uana naba n taabo nako n te aonnaba.

Etekiera 39:21

A na noora ootan mimitongiu bootanaomata n te aonnaba n tatabemaniia nako ngkana I katuaaia.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Warekaia Iteraera 14:21

Ma ngkai I boni maiu, ao bon akea tokin m'aakau,

I-Rom 9:17

B'a E kaangai te Atua nakoni B'arao n te B'aib'ara, “I karikiko n uea i bukin aei: b'a N na kaota m'akau i roum, ao b'a e aonga n ataaki arau i aonnaba ni bane.”

I-Rom 9:22

Ao bon ti te bo naba ma are E a tia ni karaoia te Atua. E kani kaota unna ma m'aakana n ekianako ake a bon riai mateia. Ma E aki, b'a te bae E karaoia E taotaona nanona nakoia.

Iotua 4:24

E na ataaki m'aakan te UEA ni baikai i rouia kaain aonnaba, ao kam na neboa te UEA ae Atuami n aki toki.”

1.Betero 2:19

E na kakab'aiaki te aomata iroun te Atua i bukin aei: b'a e ata nanon te Atua i mataniwin nanona, ao e nanom'aka iai ni kamarakaki n te aro ae aki riai.

1.Betero 2:8

Ao e a manga taku te koroboki teuana: “Te atibu are a na reke waeia iai aomata ao a tata nako, te atibu are a na b'aka iai.” A tata nako i bukina b'a a aki ongeaba nakon ana taeka te Atua; ao anne bon nanon te Atua ma ana baire ma ngkoangkoa i bukiia.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.

1.Tamuera 4:8

Ti a bon reke n te kangaanga ae moan te ab'ab'aki! Antai ae kona ni kamaiura mairouia atua aika m'aaka akekei? Bon taian atua naba ake a karaoi b'aai aika kakamaamate ngkoa nakoia kaain Aikubita i nanon te rereua.