Te Otinako 8:6 - Te B'aib'ara

⁶ Ao e ongotaeka Aaron, ao a rina n roko taian biraoki ni kabuta aon Aikubita.

Te Otinako 8:6 ပူးပေါင်းရင်းမြစ်များ

2.Tamuera 7:22

Te UEA ae Moan te M'aaka, Ko korakora riki nakoia ake tem'angina. Bon akea ae ti te bo ma Ngkoe, bon ti Ngkoe te Atua. A bane ni koaua b'aai ni kabane aika taekam ake ti ongo.

2.Rongorongo 6:14

ao e tataro ni kaangai: Te UEA ae Atuan Iteraera, bon akea temanna te atua i karawa ke i aonnaba ae ai arom! Ko bon aki konaa ni m'aninga te boraraoi are ko karaoia ma am aomata, ao ko kakaonimaki nakoia akana a kakaonimaki n ongotaeka nakon am reirei.

Taian Areru 105:30

E buta aon abaia ni biraoki; a kaona naba ana tabo ni maeka te uea.

Taian Areru 78:45

E karokoia naango aika m'aiti kurikuri buakoia, ake a bora iai, Ma biraoki ake a uru aon abaia.

Taian Areru 86:8

Te UEA, akea te atua temanna ae ai arom, Ao akea i buakoia ae e a tia ni karaoa are Ko a tia ni karaoia.

Taian Areru 90:2

I m'aini karikani maunga iroum, Ngke Ko tuai ni karika aon te aba ma aonnaba, Ao bon te Atua Ngkoe ma ngkoangkoa ao n aki tootoki.

Te Otinako 10:2

ao ko aonga naba ni konaa n tuangiia ami ataei ma tibumi arou ni kaburababaia kaain Aikubita ngke I karaoi taian kakai. Ane kam na bane n ataia b'a bon te UEA Ngai.”

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Te Otinako 7:19

Ao e tuanga Aaron Moote b'a e na taua okona i aon te ran. Ao ngke e karaoa arei, ao e a bane naba ni bitaki ranin Aikubita ni kabane nakon te raraa, n reitaki ma taian karaanga ni kabane, taiani kanare, taian nei, ao taian ran naba ake i nanon taiani b'aketi ma taian tiaeki.

Te Otinako 9:14

Bon aei te tai are N na aki ti katuaaia am mataniwi ma am aomata, ma N na bon katuaaeko naba, b'a ko aonga n ataia b'a bon akea ae ai arou n te aonnaba aei ni kabutaa.

Te Otinako 9:29

E taku Moote nako ina, “N na tabeka baiu ma n tataro nakon te UEA bon n te tai naba are ti otinako man te kaawa aei iai. E na toki te baa ao e na akea riki te karau te aiti, b'a ko aonga n ataia b'a bon ana b'ai te UEA te aonnaba.

Itaia 43:10

au Aomata bon au taani kakoaua ngkami ao taani m'akuri aika kam rineaki. I tangiringkami b'a kam na ataai, n onimakinai, ao n ataia b'a bon ti Ngai te Atua. Bon te Atua Ngai mangkoa; ao bon akea riki temanna i rarikiu.

Nakoaia Ibonga 11:12

Kam na aki kang b'aai aika a maiu n te ran aika akea ingiia ao inaia.

Te Tua-Kaua 32:31

E ngae ngke a ataia ara kairiribai ae bon ti Atuara ae te B'a ae Korakora.

Te Tua-Kaua 33:26

Kaain Iteraera, bon akea te atua temanna ae ai aron Atuara; taian nang Ana kaanibuaka ngkana E m'ananga i aon taiani karawa ngkana E na kawariira ni buokiira.

Te Tua-Kaua 4:35

E tangiria te UEA b'a kam na ataia ae bon ti Ngaia te Atua ni koaua, ao E tangiringkami b'a kam na ongotaeka i Rouna. Ao bon anne bukina ngke E kaota nakoimi Ana kakai aika korakora, ao te ai ae uram'aaka i aon te aba, ao anne naba bukina ae kam ongo iai b'anaana man te ai ao mai karawa.

Te Kaotioti 16:13

Ao I nooriia tamnei aika teniman aika kam'ara aika ai aroia biraoki, b'a a oti nako mai wiin te rakon, ao mai wiin te man arei, ao mai wiin te burabeti ni kewe arei: