Te Otinako 8:32 - Te B'aib'ara

³² Ma e a manga taningamatoa naba te uea ao e aki roko n te kanakoia aomata.

Te Otinako 8:32 ပူးပေါင်းရင်းမြစ်များ

Te Otinako 4:21

Ao E taku te UEA nakon Moote ngke e tabe ni m'ananga i aoni kawaina: Ngkana ko roko i Aikubita, ko na nakon te uea ao ko na karaoi am kakai ake I a tia ni kaoti nako im. Ma N na karaoia b'a e na rangi ni taningamatoa n te aro are e na rawa ni kanakoia au aomata.

Te Otinako 8:15

Ma ngke e nooria te uea b'a nako raoi b'aai nako, ao e a manga okira naba arona n aron are e a tia n taekinna te UEA ao e kamatoatoaa nanona n rawa n ongo iroun Moote ma Aaron.

Te Otinako 8:31

ao e kaekaaki ana tataro iroun te UEA. Bon akea naba te nango temanna ae tiku n aki karaua te uea, ana mataniwi, ke aomata nako i Aikubita.

Te Otinako 8:8

Ao te uea e kanaanako ni weteia Moote ma Aaron ao e tuangiia ni kaangai, “Ngkana kam tuanga Atuami b'a e na anaia taiani biraoki aikai mai rou ao mai rouia au aomata, ao N na kariaia nakoia am aomata b'a a na anga karea nako im.”

Te Otinako 9:7

E titiraki te uea b'a tera te b'ai ae e riki ao e tuangaki b'a bon akea aia man Iteraera ae mate. Ma e bon taningabono naba ao e aki kanakoia Iteraera.

Itaia 63:17

E aera ngkai ko karaoira b'a ti na tannako mairoum, ara UEA? E aera ngkai ko karaoira b'a ti na aki tangiria n ongotaeka iroum? Taiaoka bita nanom! Bon am taani m'akuri ngaira, ao bon am aomata ni koaua ngaira.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

1.Tamuera 6:6

Kam na aki riki kaanga aroia kaain Aikubita ma aia uea. A taningabono, ao ngke E a tia te Atua ni karawawataia, ao a kanakoia Iteraera.