Te Otinako 8:22 - Te B'aib'ara

²² N na kamaiuia kaain te aono are Koten, ike a maeka iai au aomata, b'a e na akea te nango iai. N na karaoa aei b'a ko aonga n ataia b'a I bon mena naba n te aba aei Ngai ae te UEA.

Te Otinako 8:22 ပူးပေါင်းရင်းမြစ်များ

Karikani B'aai 46:34

ao kam na ururingnga n tuangnga b'a bon taan tararuaia maan ngkami mairouia ami bakatibu. B'a ngkana kam karaoa anne, ao ane e na kamaekaingkami n te aba are Koten.” E taekina aei Ioteb'a b'a a aonga n aki manga kaawakiniia maan kaain Aikubita.

Taian Areru 110:2

Ane E na karababaa nako m'aakam n uea te UEA mai Tion. Ko na tautaeka i aoia am Kairiribai.

Taian Areru 74:12

Ma Ngkoe, te Atua, bon ara Uea ma ngkoangkoa; A m'aiti am Tai ni kamaiura.

Te Otinako 10:23

A aki konaa n nooriia kaain Aikubita i bon i rouia, ao bon akea ae roko n te kiitana ana auti n te tai anne. Ma bon iai te oota irouia Iteraera n te tabo are a maeka iai.

Te Otinako 12:13

E na riki te raraa are i aon bouan mataroan ami auti b'a te kanikina i bukin auti ake kam maeka iai. Ngkana I noora te raraa, N na riaoingkami ao N na aki tiringkami ngkana I katuaaia kaain Aikubita.

Te Otinako 19:5

Ao ngkai, ngkana kam ongotaeka i Rou, ma ni kaawakin au berita, ao kam na riki b'a au aomata. Au b'ai te aonnaba ae b'anin, ma ngkami kam na riki b'a Au aomata aika rineaki,

Te Otinako 20:11

I karaoa aonnaba, karawa, taari, ao b'aai ni kabane ake i nanoia Ngai ae te UEA i nanon onobong. Ao bon anne bukina Ngai ae te UEA are I karaoa te Taabati ma n tabuia.

Te Otinako 7:17

“E nang karaoa te b'ai teuana te UEA ni kaotia b'a bon te UEA Ngaia. N na orea te Naire n te oko aei, ao e na onikaki te ran nakon te raraa.”

Te Otinako 7:5

A na ataia kaain Aikubita b'a te UEA Ngai ngkana e riki aei.

Te Otinako 8:10

Ao e taku te uea, “Ko na karaoia nakon te ingabong. Ao e kukurei iai Moote ao e kaangai, “Ngkana ko tangiria. Ao a na bane aomata n ataia b'a bon akea riki te anti ae ai aron te UEA,

Te Otinako 8:21

Ngkana ko aki, ao E na manga karokoi taian nango aika m'aiti b'a a na uuniko, ma am mataniwi, ao kaain abam ni kabane. A na bane n on taian auti, ao e na on aontano iai.

Te Otinako 8:23

N na karaoa te kaokoro i marenaia au aomata ma am aomata. E na koro bukin te kakai aei nakon te ingabong.’ ”

Te Otinako 9:26

Bon te aono are Koten, are a maeka iai Iteraera are akea iai te karau te aiti.

Te Otinako 9:29

E taku Moote nako ina, “N na tabeka baiu ma n tataro nakon te UEA bon n te tai naba are ti otinako man te kaawa aei iai. E na toki te baa ao e na akea riki te karau te aiti, b'a ko aonga n ataia b'a bon ana b'ai te UEA te aonnaba.

Te Otinako 9:4

N na kaokoroi aia man Iteraera ma aia man kaain Aikubita, b'a e aonga n akea manin Iteraera ae na mate.

Te Otinako 9:6

Ao E karaoa are e a tia n taekinna te UEA ngke e ingabong, ao a bane ni mate aia man kaain Aikubita ni kabane, ma bon akea aia man Iteraera ae mate.

Etekiera 30:19

Ko na ataia b'a te UEA Ngai ngkana e bane katuaaean Aikubita.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.