Te Otinako 8:19 - Te B'aib'ara

¹⁹ Ao a tuanga te uea taan tabunea b'a bon te Atua ae E karaoia. Ma n aron are E a tia n taekinna te UEA, e bon teimatoa naba n aki kan ongo te uea.

Te Otinako 8:19 ပူးပေါင်းရင်းမြစ်များ

Karikani B'aai 41:24

ao taian uita ake a irariki a manga kab'auti uita ake a kaakanoa raoi. I a tia n tuangiia taan tabunea, ma bon akea mai buakoia ae kona ni kab'ara nanona nako iu.”

Taian Areru 8:3

Ngkana I tarataraa karawa are Ko a tia ni karaoia, ma nam'akaina ma itoi, ake Ko katikui ni nneia

Te Otinako 10:23

A aki konaa n nooriia kaain Aikubita i bon i rouia, ao bon akea ae roko n te kiitana ana auti n te tai anne. Ma bon iai te oota irouia Iteraera n te tabo are a maeka iai.

Te Otinako 10:7

Ao a taku ana mataniwi te uea nako ina, “E na maan ra ana tai te mm'aane aei ni kaakarokoa te kangaanga nako ira? Ani kanakoia Iteraera, b'a aonga ni konaa n taromauria te UEA ae Atuaia. Ko tuai namakinna ae e urubekebeke Aikubita?”

Te Otinako 11:7

Ma e na bon aki kaukau naba te kamea nakoia Iteraera ke aia man. Ao kam na ataai iai b'a bon te UEA Ngai, ae E kaokoroia kaain Aikubita ma Iteraera.’ ”

Te Otinako 7:13

Ao e taningamatoa te uea n aron are E taku te UEA ao e aki kan ongo.

Te Otinako 7:4

Ao i mwiina, N na karokoa te kabanea ni katuaaeaki i aon Aikubita, ao ane e na kanakoia utuun Iteraera ma aia baronga nako.

Te Otinako 7:5

A na ataia kaain Aikubita b'a te UEA Ngai ngkana e riki aei.

Te Otinako 9:26

Bon te aono are Koten, are a maeka iai Iteraera are akea iai te karau te aiti.

Te Otinako 9:4

N na kaokoroi aia man Iteraera ma aia man kaain Aikubita, b'a e aonga n akea manin Iteraera ae na mate.

Taniera 2:19

Ao ni bon te tairiki naba arei, ao e a kaotaki nanon te mii arei nakon Taniera n te kaotioti, ao e neboa Atuani karawa ni kaangai,

Mataio 12:28

Ma ngkana ni m'aakan Tamnein te Atua ae I kanakoia iai taimonio, ao nanona ngkanne b'a e a roko Uean te Atua i roumi.

Ruka 11:20

Ma ngkana ni m'aakan te Atua ae I kanakoia iai taimonio, ao nanona ngkanne b'a e a roko Uean te Atua i aomi.

Ioane 11:47

Ma ngaia are, a tewea te kabowi aia mataniwi ibonga ma B'aritaio, ao a taku, “Tera ae ti na karaoia? B'a a bati m'akuri aika kamimii aika E karaoi te aomata arei.

M'akuri 4:16

“Ti na iraniia uakai? B'a e bon ataaki irouia aomata ni kabaneia aika maeka i Ierutarem, b'a e karaoaki te b'ai ae kamimii aei irouia uakai; ao ti aki kona ni kakewea.

1.Tamuera 6:3

Ao a taku taiani ibonga ma taani kaiwa, “Kam na aki kaokia ma akea uotami. Kanakoa ma ami b'aintangira i bukin kab'araan ami bure. Ao i mwiina, ane kam na kamaiuaki, ao ane kam na kunea b'a bukin tera ngkai E karawawataingkami te UEA.”

1.Tamuera 6:9

Ao taraia b'a ngkana e kaineta kaawan Iteraera are Beta Temeti, ao e a bon okira ana kaawa, are nanona ngkanne b'a bon te UEA ae karokoi taian rawawata aikai i roura. Ma ngkana e aki okira abana te Atiniberita, ao nanona ngkanne b'a bon tiaki te UEA ae karokoi taian aoraki aikai i aora, ngaia bon te tekebuaka ae bon riki i bon i rouna.