Te Otinako 8:18 - Te B'aib'ara

¹⁸ Ao ngke a kataa m'aakaia taan tabunea ni karaoa naba arei, a bon aki konaa, ao a bon tiku naba taian uti i aoia aomata ma maan.

Te Otinako 8:18 ပူးပေါင်းရင်းမြစ်များ

Karikani B'aai 41:8

Ao e a raraoma ngke a ingabong, ao e a weteia taan tabunea ni kabane ao mm'aane naba ni kabane aika taan rabakau i aon Aikubita. E tuangiia miina, ma bon akea temanna ae kona ni kab'ara nanon miina nako ina.

Te Otinako 10:23

A aki konaa n nooriia kaain Aikubita i bon i rouia, ao bon akea ae roko n te kiitana ana auti n te tai anne. Ma bon iai te oota irouia Iteraera n te tabo are a maeka iai.

Te Otinako 7:11

Ao i mwiina, e manga weteia mm'aane aika taan rabakau ao taan tabunea te uea, ao a karaoi m'aakaia ni karaoa naba te aekaki arei.

Te Otinako 7:12

A manga karenakoi naba taian kai ao a manga riki naba n naeta. Ma te naeta are ana naeta Aaron, e a manga kab'auti aia naeta.

Te Otinako 8:7

Ma a kamanenaa m'aakaia taan tabunea ni karaoa te aekaki naba arei.

Te Otinako 9:11

Ao a aki konaa n roko taan tabunea i matan Moote, b'a a onrake n taian kaboa, n ai aroia naba kaain Aikubita ake te korakina.

Itaia 19:12

A ngaa ngkai m'aane aika a rabakau aikai? ngkana a konaa, ao ke a taekinna b'a tera ae e iangoia te UEA ae Moan te M'aaka i bukin Aikubita.

Taniera 4:7

Ao i mwiina, a bane ni karinaki i nanon te bareti taan tabunea, ma ibonga, ao taani borau, ao I tuangiia miiu arei, ma a bon aki kona ni kab'ara nanona nako iu.

Taniera 5:8

Ao a bane n roko ana taani iango te uea ma bon akea temanna ae e kona ni wareka te koroboki arei, ke n tuanga te uea nanona.

Ruka 10:18

Ao E taku nako ia, “I nora Tatan b'a e b'aka mai karawa kanga ai aron te iti.