Te Otinako 8:15 - Te B'aib'ara

¹⁵ Ma ngke e nooria te uea b'a nako raoi b'aai nako, ao e a manga okira naba arona n aron are e a tia n taekinna te UEA ao e kamatoatoaa nanona n rawa n ongo iroun Moote ma Aaron.

Te Otinako 8:15 ပူးပေါင်းရင်းမြစ်များ

Te Otinako 14:5

Ao ngke e a kaongoaki te uea b'a a tia ni birinako Iteraera, ao e a manga bita nanona ma ana aobitia, ao e taku, “Tera ngkai ae ti a tia ni karaoia? Ti a tia ngkai ni kabirinakoia Iteraera, ao ai akea ngkai ara toro!”

Te Otinako 4:21

Ao E taku te UEA nakon Moote ngke e tabe ni m'ananga i aoni kawaina: Ngkana ko roko i Aikubita, ko na nakon te uea ao ko na karaoi am kakai ake I a tia ni kaoti nako im. Ma N na karaoia b'a e na rangi ni taningamatoa n te aro are e na rawa ni kanakoia au aomata.

Te Otinako 7:4

Ao i mwiina, N na karokoa te kabanea ni katuaaeaki i aon Aikubita, ao ane e na kanakoia utuun Iteraera ma aia baronga nako.

Te Otinako 8:14

A ikoikotaki taian biraoki ake a mate, ao e a m'aung te aba arei ni kabane.

Te Otinako 8:16

E taku te UEA nakon Moote, “Tuanga Aaron b'a e na orea te tano n okona, ao a na bane n riki bubun aontano i Aikubita b'a taian uti.”

Te Otinako 8:28

Ao e taku te uea nako ina, “N na kariaia b'a kam na nakon te rereua n anga ami karea, ngkana kam aki kararoaingkami. Ma kam a tataro naba i buku.”

Te Otinako 8:29

Ao e kaeka Moote, “Teuae ko karineaki, N na tataro i bukim n te tai are I nako iai, ao a na nako taian nango mai roum, ma am mataniwi, ao kaain abam n ningabong, Ko na bon aki kewe n te tai aei b'a ko na bon kanakoia ara aomata b'a a na anga karea nakon te UEA.”

Te Otinako 8:32

Ma e a manga taningamatoa naba te uea ao e aki roko n te kanakoia aomata.

Te Otinako 8:8

Ao te uea e kanaanako ni weteia Moote ma Aaron ao e tuangiia ni kaangai, “Ngkana kam tuanga Atuami b'a e na anaia taiani biraoki aikai mai rou ao mai rouia au aomata, ao N na kariaia nakoia am aomata b'a a na anga karea nako im.”

Taeka n Rabakau 26:11

A okira mumutaia kamea ni manga kanna, kaanga ai aroia nanobaba ni kaokioki nanobabaia.

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Te Minita 8:11

Ngkana ti nooriia aomata aika buure ma buakaka b'a a teimatoa ni kaakaraoa te bure ao a aki katuaaeaki, ao e na kairiira b'a ti na kani kaakaraoa naba te bure.

Itaia 26:10

E ngae ngkana e akoaki naba te aomata ae e buakaka i aon aban te eti aei, a karaoa ae kaairua ao a matakii nakon mimitongim, ara UEA.

Otea 6:4

Kaain Iteraera ma Iuta, tera ae I konaa ni karaoia i bukimi? E a tia ni mauna nako tangirau iroumi e waekoa riki ni m'arua nakon te mabubu ke te aoi n otin taai.

Ebera 3:15

B'a e kangai te B'aib'ara: “Ngkana kam ongo b'anaan te Atua n te bong aei, ao kam na tai kamatoatoai nanomi, n ai aroia te koraki ake a rawa ngkoa ni kani kairaki.”

Ebera 3:8

ao kam na tai kamatoatoai nanomi, n ai aroia te koraki ngkoa ake a rawa ni kani kairaki n tain te kataaki n te rereua.

Te Kaotioti 16:9

Ao a bue aomata n te riringa ae korakora; ao a taetaebuaka aran te Atua, ae tauu aroni b'aai ni kamamate akekei; ao a aki rairi nanoia, n anganna te neboaki.

1.Tamuera 6:12

Ao a taonnako taiani kao akekei n te kawai are nako Beta Temeti, ma n tangitang ngke a tabe ni m'ananga. Ao taan tautaeka mai Biritia a iririia ni karokoa a kaan ma Beta Temeti.

1.Tamuera 6:3

Ao a taku taiani ibonga ma taani kaiwa, “Kam na aki kaokia ma akea uotami. Kanakoa ma ami b'aintangira i bukin kab'araan ami bure. Ao i mwiina, ane kam na kamaiuaki, ao ane kam na kunea b'a bukin tera ngkai E karawawataingkami te UEA.”

1.Tamuera 6:6

Kam na aki riki kaanga aroia kaain Aikubita ma aia uea. A taningabono, ao ngke E a tia te Atua ni karawawataia, ao a kanakoia Iteraera.

1.Tamuera 6:9

Ao taraia b'a ngkana e kaineta kaawan Iteraera are Beta Temeti, ao e a bon okira ana kaawa, are nanona ngkanne b'a bon te UEA ae karokoi taian rawawata aikai i roura. Ma ngkana e aki okira abana te Atiniberita, ao nanona ngkanne b'a bon tiaki te UEA ae karokoi taian aoraki aikai i aora, ngaia bon te tekebuaka ae bon riki i bon i rouna.