Te Otinako 8:1 - Te B'aib'ara

¹ E taku nakon Moote: Ko na nakon te bareti ao tuanga uean Aikubita au taeka b'a e na kanakoia au aomata, b'a aonga ni konaa n taromauriai.

Te Otinako 8:1 ပူးပေါင်းရင်းမြစ်များ

Taian Areru 105:30

E buta aon abaia ni biraoki; a kaona naba ana tabo ni maeka te uea.

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Te Otinako 3:18

Ane a na kakauongo i roum taani kairiiri i bukiia Iteraera. Ao i mwiina, ko na kairiia nakon uean Aikubita ao ko na kaangai, “E a tia ni kaoti te UEA ae Atuaia Ebera. Ko na kariaia b'a ti na nako n nakonako i nanon tenua te bong n te rereua, ike ti na konaa n anga iai ara karea nako Ina.”

Te Otinako 4:23

ao I tuangko b'a ko na kainaomataia, b'a aonga ni konaa n taromauriai. Ma ko rawa, ao ngkai N na tiringa natim te mm'aane are am karimoa.”

Te Otinako 5:1

Ao a m'ananga Moote ma Aaron nakon uean Aikubita ao a tuangnga ni kaangai, “E taku te UEA ae te Atua, “Ko na kariaia Au aomata b'a a na nakon te rereua, b'a a aonga ni konaa ni karineai ni karaoa aia bootaki ni kukurei ikekei.”

Te Otinako 5:3

Ao a taku, “E a tia ni kaoti te UEA ae Atuaia Ebera nako ira. Ti butiiko b'a ko na kariaia b'a ti na nakonako i nanon tenibong nakon te rereua ike ti konaa n anga iai ara karea nako ina. Ngkana ko aki, ao e na oroira n te kangaanga ae e kakamaaku ke n te buaka.”

Te Otinako 7:16

Ko na tuangnga ni kaangai, “E kanakoai te UEA ae Atuaia Ebera b'a N na tuangko b'a ko na kanakoia Ana aomata, b'a aonga ni konaa n taromauriia n te rereua. Ma ko tuai man ongo ni karokoa te tai aei.”

Te Otinako 7:25

Itiua te bong i mwiin orean te karaanga are te Naire iroun te UEA,

Te Otinako 8:2

Ngkana e rawa, ao N na kaona abana ni kabane n taiani biraoki.

Te Otinako 8:20

E taku te UEA nakon Moote: N te moaningabong n ningabong, ngkana e tabe ni m'ananga te uea nakon te karaanga, ko na nako ni kaangai nako ina, ‘E taku te UEA b'a ko na kanakoia Ana aomata, b'a a aonga ni konaa n taromauriia.

Te Otinako 9:1

E kanakoa Moote te UEA ma te rongorongo ae e kaangai nakon uean Aikubita: Te UEA ae Atuaia Ebera e tuangko ma te matoa b'a ko na kanakoia ana aomata, b'a aonga ni kona n taromauriia.

Iotua 8:18

Ao e taku te UEA nakon Iotua, “Kotea Ai n tabon am kainiwai; b'a I a anga nako nanon baim.” Ao e karaoa are e tuangaki Iotua.