Te Otinako 7:5 - Te B'aib'ara

⁵ A na ataia kaain Aikubita b'a te UEA Ngai ngkana e riki aei.

Te Otinako 7:5 ပူးပေါင်းရင်းမြစ်များ

Taian Areru 138:7

Ngkana a otab'aniniai taiani kaangaanga, ao Ko boni kakaawakinai. Ko ekianako nako taan ribaai ngkana a un, ao Ko kamaiuai ni m'aakam.

Taian Areru 9:16

E kaotia te UEA n arona ae boni kororaoi ni motikitaeka n te eti, ao a manga boni m'ane aomata akana buakaka n oin aia m'akuri.

Te Otinako 10:2

ao ko aonga naba ni konaa n tuangiia ami ataei ma tibumi arou ni kaburababaia kaain Aikubita ngke I karaoi taian kakai. Ane kam na bane n ataia b'a bon te UEA Ngai.”

Te Otinako 10:7

Ao a taku ana mataniwi te uea nako ina, “E na maan ra ana tai te mm'aane aei ni kaakarokoa te kangaanga nako ira? Ani kanakoia Iteraera, b'a aonga ni konaa n taromauria te UEA ae Atuaia. Ko tuai namakinna ae e urubekebeke Aikubita?”

Te Otinako 14:18

Ngkana I konaiia, ao a na bon ataia iai kaain Aikubita b'a bon te UEA Ngai.”

Te Otinako 14:4

N na karaoia b'a e na taningamatoa, ao e na manga kakioingkami, ao e na riki au tokanikai i aon te uea ma ana taanga ni buaka b'a karineau. Ane a na ataia iai kaain Aikubita b'a bon te UEA Ngai. Ao a karaoa are a tuangaki Iteraera.

Te Otinako 18:8

Ao e a karakini b'aai ni kabane Moote nakon Ietero ake E karaoi te UEA nakon uean Aikubita, ao kaain Aikubita i bukin kamaiuaia Iteraera. E boni kaongoraea naba taiani kangaanga ake a kaaitibo ma ngaai aomata i aoni kawaia, ma aron te UEA ni kamaiuia.

Te Otinako 3:20

Ma ngaia are, N na kamanenaa m'aakau ni karaoi taian kamimii n aroia nako ma n oroia kaain Aikubita ni kab'akaia. Ao ane e na kanakoi ngkami iai te uea.

Te Otinako 6:1

Ao E taku te UEA ae te Atua nakon Moote: Ko na noora te b'ai ae N na karaoia nakon te uea n te tai ae aki maan. E na kanakoia Au aomata i bukin korakoran m'aakau, ao e na manga bon kakioia nako mai abana.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Te Otinako 7:17

“E nang karaoa te b'ai teuana te UEA ni kaotia b'a bon te UEA Ngaia. N na orea te Naire n te oko aei, ao e na onikaki te ran nakon te raraa.”

Te Otinako 8:10

Ao e taku te uea, “Ko na karaoia nakon te ingabong. Ao e kukurei iai Moote ao e kaangai, “Ngkana ko tangiria. Ao a na bane aomata n ataia b'a bon akea riki te anti ae ai aron te UEA,

Te Otinako 8:19

Ao a tuanga te uea taan tabunea b'a bon te Atua ae E karaoia. Ma n aron are E a tia n taekinna te UEA, e bon teimatoa naba n aki kan ongo te uea.

Te Otinako 8:22

N na kamaiuia kaain te aono are Koten, ike a maeka iai au aomata, b'a e na akea te nango iai. N na karaoa aei b'a ko aonga n ataia b'a I bon mena naba n te aba aei Ngai ae te UEA.

Etekiera 25:17

N na kareke kaiia n uniu ae e korakora. Ao ane a na ataai b'a bon te UEA Ngai ngkana I katuaaia.

Etekiera 28:22

ao tuangiia kaaina ni kaangai: Bon ami kairiribai Ngai ae te UEA ae te Atua! A na neboai aomata ngkana I katuaaingkami, ao a na nooria b'a I bon tabu.

Etekiera 32:15

E na riki Aikubita b'a te aba ae akea kain aona ae akea manenana, ao bon akea te b'ai teuana ae e maiu ae e na konaa ni manga maiu ikekei. Ao ane ko na ataia ma am aomata b'a bon te UEA Ngai.

Etekiera 36:23

ao ni kaotia naba nakoia ianena b'a I tabu. Ao ane a na ataai iai b'a bon te UEA Ngai ae te Atua. Bon aei au taeka.

Etekiera 39:22

A na ataia man te tai aei Iteraera b'a bon te UEA Ngai ae Atuaia.

Etekiera 39:7

A na ataai Au aomata aika Iteraera, ao a na aki manga oki ni kamatauningaa Arau. A na bane aomata ni kabane aika i aon te aonnaba n ataai b'a bon te UEA Ngai ae Atuaia Iteraera ae I tabu.