Te Otinako 7:3 - Te B'aib'ara

³ Ma N na karaoa te uea b'a e na taningamatoa n te aro ae e na aki kan ongo. E na bon aki ongo naba ngkana I karaoi b'aai aika a kakamaaku nako ina ma ana botannaomata.

Te Otinako 7:3 ပူးပေါင်းရင်းမြစ်များ

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Taian Areru 135:9

E karaoi taiani kakai ma baika kamimii b'a b'aini karekeani kain aia uea ma raona ake a buokia n ana tautaeka.

Taian Areru 78:12

E karaoi kakai i mataia aia bakatibu n te tabo ae e aoraoi i Toan n te aba are Aikubita.

Te Otinako 11:10

Ao a karaoi taian kakai Moote ma Aaron i matan te uea, ma e bon kataningamatoaa te UEA, ao e na bon aki kanakoia Iteraera b'a a na kiitana abana.

Te Otinako 11:9

E taku te UEA nakon Moote, “Ane na teimatoa te uea n rawa n ongo i roum, b'a I aonga ni konaa ni karaoi au kakai i Aikubita.”

Te Otinako 14:4

N na karaoia b'a e na taningamatoa, ao e na manga kakioingkami, ao e na riki au tokanikai i aon te uea ma ana taanga ni buaka b'a karineau. Ane a na ataia iai kaain Aikubita b'a bon te UEA Ngai. Ao a karaoa are a tuangaki Iteraera.

Te Otinako 3:20

Ma ngaia are, N na kamanenaa m'aakau ni karaoi taian kamimii n aroia nako ma n oroia kaain Aikubita ni kab'akaia. Ao ane e na kanakoi ngkami iai te uea.

Te Otinako 4:21

Ao E taku te UEA nakon Moote ngke e tabe ni m'ananga i aoni kawaina: Ngkana ko roko i Aikubita, ko na nakon te uea ao ko na karaoi am kakai ake I a tia ni kaoti nako im. Ma N na karaoia b'a e na rangi ni taningamatoa n te aro are e na rawa ni kanakoia au aomata.

Te Otinako 4:29

Ao rimwi riki, a ikotiia taan kairiiri i rouia Iteraera,

Te Otinako 4:7

Ao E manga tuangnga te UEA ni kaangai, “Karina baim i nanon am kabaraaki.” Ao e karaoa arei Moote, ao ngke e kaotinakoa baina ao e a manga raoiroi baina n aron rab'atana ni kabane.

Te Otinako 7:13

Ao e taningamatoa te uea n aron are E taku te UEA ao e aki kan ongo.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Taeka n Rabakau 21:1

Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

Mika 7:15

Karaoi kakai nakoira te UEA, n ai aron are Ko kakaraoi ni boong ake Ko kaotinakoira iai mai Aikubita.

Ioane 4:48

E taku Iesu nakoina, “Ngkana kam aki noori kanikina ma m'akuri aika kamimii, ao kam rawa n onimaki.”

M'akuri 2:22

Mm'aane aika Iteraera, kam na ongo taeka aikai: Iesu are te I-Natareta are e kaotaki arona i buakomi b'a iai nakoana mairoun te Atua, are e kateretereaki raoi n taiani m'akuri aika kamimii, ma baika kamimii, ma kanikina, ake E karaoi te Atua i rouna i buakomi, n ai aron are kam bon ataia;

M'akuri 7:36

E kairiia Mote ni kaotinakoia, ngke e tia ni karaoi m'akuri aika kamimii ma kanikina n te aba are Aikubita, ao n te Nama are Uraura, ao n te rereua angaun te ririki.

I-Rom 15:19

Ao N na bon ninikoria naba n taekina aroni Kristo ni karaoani kanikina ma m'akuri aika kamimii ni m'aakan te Tamnei are Raoiroi. Ma ngaia are, ni m'anangau nakon taabo nako ake I a tia n roko iai, mai Ierutarem ni karokoa aonon Iruriko, ao I a tia n tataekina euangkerioni Kristo.

I-Rom 9:18

Ma ngaia ae E nanoangaea ae E kan nanoangaia te Atua, ao E kamatoatoa nanon ane E kani kamatoatoa.

Te Tua-Kaua 7:19

Kam bon noora korakoran m'aakan te UEA ni karaoi taiani kakai ma ni kaotinakoingkami mai Aikubita. Ao E na manga bon karaoi naba m'akuri ni kakai i bukimi ngkana kam aitara ma ami kairiribai aika kam rangi n maakuia.