Te Otinako 7:19 - Te B'aib'ara

¹⁹ Ao e tuanga Aaron Moote b'a e na taua okona i aon te ran. Ao ngke e karaoa arei, ao e a bane naba ni bitaki ranin Aikubita ni kabane nakon te raraa, n reitaki ma taian karaanga ni kabane, taiani kanare, taian nei, ao taian ran naba ake i nanon taiani b'aketi ma taian tiaeki.

Te Otinako 7:19 ပူးပေါင်းရင်းမြစ်များ

Karikani B'aai 1:10

Ao E arana te tabo ae m'au b'a te “Aba,” ao taari b'a “Marawa.” Ao E nooria te Atua b'a e raoiroi.

2.Uea 4:29

Ao e taku Eritai, “Keati, katauraoiko ao nakon ana auti neiei. Uota okou, ao ngkana ko roko ikekei, ao ko na kawenea okou i matan te ataei ni maanee. Ko na aki tikutiku n taetae ma aomata i aon kawaim, e aoria naba ngkana a kataia n taetae nakoim.”

Te Otinako 10:12

Ao i mwiina, E taku te UEA nakon Moote, “Tabeka baim i aon te aba ae Aikubita ao karokoia taian rokati. A na roko ni kang b'aai ma aroka aika a maiu. B'aai ni kabane ake nikiran ana urub'ai te karau te aiti.”

Te Otinako 10:21

Ao E a manga taku te UEA nakon Moote, “Tabeka baim nako karawa, ao e na roko te rootongitong ae e na rabuna aban Aikubita ni kabutaa.”

Te Otinako 14:16

Tabekaarake okom, ao aroria i aon taari. Ane e na bwenauaaki taari, ao a na kona Iteraera n nakonako i nanon taari i aon te tano ae m'au.

Te Otinako 14:21

Ao e arora nako baina Moote i aon taari, ao E uka taari ni kaokia te UEA n te angi mainiku ae korakora. E kare ni katoa tairiki n te aro are e a onika taari nakon te aba ae m'auteretere. Ao e bwenauaaki taari

Te Otinako 14:26

Ao E taku te UEA nakoni Moote, “Arora baim i aon taari, ao ane e na manga oki taari ni b'aroia kaain Aikubita ma aia kaa ni buaka, ao taani kabuti kaa ni buaka.”

Te Otinako 4:9

Ngkana arona b'a a aki anaaki naba nanoia n taian kakai aika uoua aikai, ao a rawa n ongo nakon te b'ai ae ko taekinna, ao ko na itiia teutana ranin te Naire, ao kab'aroa i aon te tano. Ao e na onikaki te ran nakon te raraa.

Te Otinako 8:16

E taku te UEA nakon Moote, “Tuanga Aaron b'a e na orea te tano n okona, ao a na bane n riki bubun aontano i Aikubita b'a taian uti.”

Te Otinako 9:33

Ao e kiitana te uea Moote, ao e otinako man te kaawa are e buubura arei, ao e tabeki baina ni kauaai n tataro nakon te UEA. Ao e toki rebwen te baa, te karau te aiti, ao e toki te karau ni kabane.

Itaia 19:10

Ane a na mangaongao taan raranga kunnikai; ane a na nanokawaki man tang taani m'akuri ake a kabooaki.

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Ab'akuka 3:8

Karaanga aika a karika unim te UEA? Taari ae kakorakoraa Unim? Ko buti i aon naang; nangini buaka bon am kaa ni buaka, ngkana ko a uota te tokanikai nakoia am aomata.