Te Otinako 7:15 - Te B'aib'ara

¹⁵ Nakon te ingabong ko na uota okom are e riki n naeta, ao ko na tataninga te uea i rarikin te Karaanga are te Naire.

Te Otinako 7:15 ပူးပေါင်းရင်းမြစ်များ

1.Rongorongo 16:21

E aki kariaia tekorakina b'a a na karaoa ae e aki raoiroi nako ia ana aomata. Ma E boni kaawakiniira ni katuaaia taan tautaeka

Te Otinako 2:5

Ni bon te tai naba anne, e roko natin te uea te aine b'a e na tebotebo n te karaanga, ao neiere ana toro te aine e nanakonako i mataniwiin te karaanga. Ao e noora te b'aene i buakon taian uteute aika rietaata ao e kanakoa temanna te ateiaine b'a e na katikia rake man te ran.

Te Otinako 7:10

Ao a nako Moote ma Aaron nakon te uea ma ana mataniwi ao a karaoi b'aai ni kabane ake E a tia n tuangiia te UEA; E karenakoa okona Aaron nako aontano ao e riki b'a te naeta.

Te Otinako 7:14

E taku te UEA nakon Moote: E taningamatoa uean Aikubita ao e rawa ni bita ana iango ma ni kanakoia aomata.

Te Otinako 8:20

E taku te UEA nakon Moote: N te moaningabong n ningabong, ngkana e tabe ni m'ananga te uea nakon te karaanga, ko na nako ni kaangai nako ina, ‘E taku te UEA b'a ko na kanakoia Ana aomata, b'a a aonga ni konaa n taromauriia.

Etekiera 29:3

Au taeka ae e kaangai: Uean Aikubita, ti te bo ngkoe ma te korokorotaire ae e wene i nanon te karaanga. Ko karaoa aron ae bon am b'ai te Naire ao ko karaoia bon i bukim. Ma ngkai I a riki b'a ami kairiribai Ngai te UEA ae te Atua!