Te Otinako 7:11 - Te B'aib'ara

¹¹ Ao i mwiina, e manga weteia mm'aane aika taan rabakau ao taan tabunea te uea, ao a karaoi m'aakaia ni karaoa naba te aekaki arei.

Te Otinako 7:11 ပူးပေါင်းရင်းမြစ်များ

Karikani B'aai 41:8

Ao e a raraoma ngke a ingabong, ao e a weteia taan tabunea ni kabane ao mm'aane naba ni kabane aika taan rabakau i aon Aikubita. E tuangiia miina, ma bon akea temanna ae kona ni kab'ara nanon miina nako ina.

Te Otinako 7:12

A manga karenakoi naba taian kai ao a manga riki naba n naeta. Ma te naeta are ana naeta Aaron, e a manga kab'auti aia naeta.

Te Otinako 7:22

Ma a kamanenaa m'aakaia taan tabunea i Aikubita ni karaoa te aekaki naba arei. Ao te uea e bon karaoa raoi are e taekinna te UEA are e rangi n taningamatoa n rawa n ongo.

Te Otinako 8:18

Ao ngke a kataa m'aakaia taan tabunea ni karaoa naba arei, a bon aki konaa, ao a bon tiku naba taian uti i aoia aomata ma maan.

Te Otinako 8:3

Ko na kauringa naba te uea b'a e na onrake te Naire n taiani biraoki, ao mai ikanne are a na kaona naba ana bareti te uea, n reitaki ma ana ru ni matu te uea ao bon aon naba ana kainiwene. A na rin taian biraoki i nanon aia auti ana aobitia nako ao a na roko naba n taian ai n umum ao nako nanon taiani boora ni kabo buraawa.

Te Otinako 8:7

Ma a kamanenaa m'aakaia taan tabunea ni karaoa te aekaki naba arei.

Taniera 2:2

ma ngaia are, e a kanakoa weteaia ana taan tabunea, ma ana ibonga, ma aomata aika taani b'ai, b'a a na tuangnga b'a tera are e a tia ni miia. Ao ngke a roko n tei i matan te uea,

Taniera 2:27

Ao e kaeka Taniera ao e kaangai, “Te uea ae ko karineaki, bon akea te ibonga temanna, ke te tia tabunea temanna, ke te tia b'ai temanna, ke te tia borau temanna ae e na kona n tuangko te b'ai anne,

Taniera 4:6

I kanakoa au taeka ni kaoiia au taan rabakau ni kabane ake i aon B'aburon b'a a aonga ni kona n tuangai nanon te mii arei.

Taniera 5:11

Boni iai te m'aane temanna n abanueam ae iai ana konab'ai ae e raka, e wanawana, e m'aatai n te kab'ara mii, e rabakau ni kaiwa, ao e atai nanoni baika a raba;

Taniera 5:7

Ao e takaarua b'a a na kawaekoaaki taan tabunea, ma ibonga, ao taani borau. Ao ngke a rin, ao e taku te uea nakoia, “Ane e kona ni wareka te koroboki aei man tuangai nanona, ao e na karinaki te niiniira ae e uraro are aia b'ai uea, ao e na kabaeaki te m'ae ni karineaki ae te tiein ae te koora i roroana, ao e na riki b'a te kateniman ni m'aaka i nanon te abanuea.”

Mataio 24:24

B'a ane a na kaoti taiani Kristo ni kewe ma burabeti ni kewe, ao ane a na kaoti kanikina aika ab'ab'aki ma b'aai ni kamimii, b'a a na burebureia ana aomata te Atua ake E a tia n rineia, ngkana a konaiia.

I-Karatia 3:1

I-Karatia aika kam nanobaba, antai ae m'am'anaingkami, ngkami aika E kaotaki raoi taekani Iesu Kristo i matami, b'a E tauraki n te kaibangaki?

I-Ebeto 4:14

b'a ti aonga n toki man arora n ataei, n uouotaki nako i aon naao ma ni katiotioaki n aki akaaka n taian ang aika reirei nako mairouia aomata aika taani m'am'anaa te aba, aika kairiia aomata nakon te kairua n aia m'akuri ni wanawana aika bureburea te aba.

2.I-Tetaronike 2:9

E na roko te tia ri aon te tua ma m'aakan Tatan ao e na karaoi taiani kanikina ma kamimii ni kewe.

2.Timoteo 3:8

B'a ai aroia Ianne ma Iambere ngke a eekaanako Mote, ao ai aroia naba aomata aikai n eekaanako te koaua, aomata aika babanga n iango, ao taan aki onimaki ni koaua.

2.Timoteo 3:9

Ma ane a na aki maan n aroia anne, ao a na ataaki aroia n nanobaba irouia aomata, n ai aron naba are e riki nakoia Ianne ma Iambere.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

1.Tamuera 6:2

ao a weteia aia ibonga ma aia taani kaiwa ao a titirakiniia ni kaangai, “Tera ae ti na karaoia nakon te Atiniberita aei? Tuangiira b'a e kanga arora ni kaokia nakon ana tabo!”