Te Otinako 6:4 - Te B'aib'ara

⁴ I karaoa te boraraoi ao I berita nako ia b'a N na anganiia te aba are Kanaan, ike a maeka iai kaanga ianena.

Te Otinako 6:4 ပူးပေါင်းရင်းမြစ်များ

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 15:13

Ao E taku te UEA nako ina, “A na riki kanoam b'a ianena n te aba teuana; a na riki b'a tooro ikekei, ao a na kairaki n te aro ae aki raoiroi i nanon abubua te ririki.

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

Karikani B'aai 17:13

A riai ni bane ni korotabonim'aneaki n tatabemaniia nako, ao e na riki aei b'a te kanikina i aon rab'atami b'a kaotan Au boraraoi ma ngkami ae akea tokina.

Karikani B'aai 17:4

“I boraraoi ma ngkoe: I berita b'a ko na riki b'a aia bakatibu botannaomata aika m'aiti.

Karikani B'aai 23:4

“Bon te iruwa ngai i buakomi, taiaoka ni kaboa te aba teuana nako iu, b'a N na tauna iai rab'atan buu.”

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

Karikani B'aai 26:4

N na anganiko am kariki aika ai aron m'aitin taian itoi i karawa, ao N na anganiia te aba aei ni kabane. Ane a na bubutiai botannaomata b'a N na kakab'aiaia naba n aron kakab'aiakiia am kariki.

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 28:4

E bia kakab'aiako n arona naba ngke E kakab'aiaa Aberaam, ao ko na b'aina te aba aei, ae ko a tia ni maeka iai, ae E a tia n anga te Atua nakon Aberaam.”

Karikani B'aai 6:18

N na karaoa te boraraoi ma ngkoe. Ko na rin ma buum, ao natim mm'aane ma buuia i nanon te kaibuke.

2.Tamuera 23:5

I a tia n tautaeka n te aro aei, ao E na bon aki kona n urua Ana berita nako iu. E a tab'anin raoi ana berita te Atua ao E aki konaa ni manga bitaki; E na bon teimatoa ni buokai ma n anganai te b'ai ae I kantaningaia.

Taian Areru 105:11

Ngke e kaangai, “N na anganiko te aba are Kanaan, b'a tib'angami ae kam na abanna.”

Taian Areru 105:12

Ti tabeman ngaiia, ngke a mena i Kanaan, ao a iruwa i aona.

Te Otinako 13:4

Kam kiitana Aikubita n te bong aei n te moan nam'akaina are arana Abibi.

Te Otinako 13:5

E berita ngkoa te UEA nakoia ami bakatibu b'a E na anganingkami abaia kaain Eta, kaain Amora, kaain Iwa, ao kaain Iebuti.

Te Otinako 6:8

N na karokoi ngkami n te aba are I karaoa iai au berita ae e matoa nako ia Aberaam, Itaaka, ao Iakob'a, ao e na riki b'a ami b'ai. Bon te UEA Ngai.”

Itaia 55:3

Kakauongo raoi! Nakomai nako iu ao ko na maiu. N na berita nakoim i bukin te tangira ae akea tokina ao te kakaonimaki n aron are I berita iai naba nakon Tawita.

Warekaia Iteraera 10:29

Ao e mena ikekei Obaba are kaain Miria are taman buun Moote, ao e taku Moote nako ina, “Ti nang nako nakon te tabo are E a tia ni berita iai te UEA nako ira. E a tia n taku b'a a na akea te kangaanga ae ti na bo ma ngaia. Ma ngaia are, ko na iriira b'a ti na bon tararuaiko raoi b'a a na akea naba te kangaanga iroum.”

M'akuri 7:5

Ma bon akea abana ae E anganna mai iai: E aki anganna naba tao ab'akini m'anekana, ma E kab'aka ana taeka n akoi b'a E na anganna b'a abana, ao E na anganiia naba ana kariki i mwina b'a abaia, e ngae ngke akea natina ngkanne i rouna.