Te Otinako 5:23 - Te B'aib'ara

²³ Ko tuangai ngkoa b'a N na taetae nakon te uea, ao akea te b'ai ae Ko karaoia ma ti karokoan te kangaanga nako ia aomata aikai. Ao Ko tuai man karaoa Am buobuoki.”

Te Otinako 5:23 ပူးပေါင်းရင်းမြစ်များ

Iobi 22:17

Aikai aomata aika rarawa nakon te Atua, ake a taku b'a akea te b'ai ae E kona ni karaoia te Atua nako ia.

Taian Areru 118:26

E na kakab'aiaki iroun te Atua te aomata ae nako mai n aran te UEA! Ti taetae ni kakab'aiaingkami man te Tembora ae ana Auti te UEA.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Te Otinako 6:1

Ao E taku te UEA ae te Atua nakon Moote: Ko na noora te b'ai ae N na karaoia nakon te uea n te tai ae aki maan. E na kanakoia Au aomata i bukin korakoran m'aakau, ao e na manga bon kakioia nako mai abana.

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Ieremia 11:21

Ao i mwiina, e taku te UEA: Ieremia, a taku tabeman m'anen Anatota b'a a na tiringko, ngkana ko teimatoa n taetae i buku.

Ioane 5:43

I nako mai n aran Tamau, ao kam rawa ni kan reitaki ma Ngai; ma ngkana e roko temanna bon i bukina, ao kam kan reitaki ma ngaia.