Te Otinako 5:22 - Te B'aib'ara

²² Ao e kiitaniia Moote n nako n tataro ni kaangai, “Ara UEA e aera ngkai ko karokoa irouia Am aomata taiani kangaanga aika m'aiti? Bon aei bukin karokoaia ikai i Roum?

Te Otinako 5:22 ပူးပေါင်းရင်းမြစ်များ

1.Uea 19:10

Ao e taku Eria, “Te UEA ae Moan te M'aaka, I aki toki ni kakabanea korakorau n ongongotaeka iroum. Ma a tia am Aomata n urui aia berita nakoim. A tia n urui am Baonikarea ao a tiringiia am Buraabeti, ao bon ti nikiraia ngai. Ao ngkai ae a boni kataia naba ni kan tiringai.”

1.Uea 19:4

ao e a manga m'ananga i nanon teuana te bong nakon te rereua. Ni karokoa e a roko n te buakoako teuana ae korakora ao e a tekateka i aan nuuna. E a tataro ni buubutii nakon te UEA ni kaangai, “E a bati n tau. An tiringai. A kakab'aiaki riki au bakatibu nako iu.”

Taian Areru 73:25

Akea riki temanna i karawa ae na buokai b'a ti Ngkoe; Ao akea riki temanna i aonnaba ae I tangiria i rarikim.

Te Otinako 17:4

Ao e kakorakora Moote n tataro nakon te UEA ao e taku, “Tera ae N nang karaoia nakoia aomata aikai? Ae a kaan karebanaai n taian atiibu.”

Ieremia 12:1

Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?

Ieremia 20:7

Ko kam'aneai, te UEA, ao I bon riki b'a te nanobaba iai. Ko korakora riki nako iu, ao Ko a tia ni kataenikaiai. A aki toki aomata ni matanikakanikoai ao n taetae n aki akaaka nako iu.

Ieremia 4:10

I taku, “Bon te UEA Ngkoe ae te Atua. Ko a tia n kam'aneia raoi kaain Ierutarem! Ko a tia n taekinna b'a e na roko te rau, ma e a roko te kabaang i roroaia?

Ab'akuka 2:3

Korobokiia b'a a tuai n roko tain taeka aikai, ma ana bon waekoa ni koro nanoia, ao baika I tuangko ana bane ni koro bukiia. E taraa ni kiriaria, ma tataninga b'a ana bon roko baikai, ao ana bon aki taonaki taiia.

Warekaia Iteraera 11:11

Ao e tataro Moote: Bon Am toro ngai te UEA, ao e aera ngkai Ko a manga karaoa aei nako iu? Tera ae I a tia ni karaoia ngkai e a manga riki aei? Ko bon anganai tib'angau te kaawakiniia aomata aikai,

Iotua 7:7

Ao e taku Iotua, Ara UEA ae moan te rietaata, e aera ngkai Ko uotiira ri aon te Ioretan nako ikai? Ko na anga ngaira nako nanoni baiia Amoraite? Ko na tiringiira? E raoiroi riki ngke ti tiku i mainikun te karaanga?

1.Tamuera 30:6

E a bon rangi n reke Tawita n te kangaanga irouia ana rorobuaka b'a a rangi ni b'ara nanoia i bukin buan natiia, ao a iaiangoa karean Tawita n atiibu; ma E anganna korakorana te Atua,