Te Otinako 5:21 - Te B'aib'ara

²¹ Ao a taku mm'aane akekei, “E a tia ngkai te UEA n iangoia b'a E na katuaaingkami ni kauoman ngkai kam a tia ni kauna te uea nako ira. Ao ngkai e nang tiringiira.”

Te Otinako 5:21 ပူးပေါင်းရင်းမြစ်များ

Karikani B'aai 16:5

Ao e taku Nei Tarai nakon Aberam, “E bon nako mairoum te b'ai aei ngkai e a manga aki kubarai Nei Aka. I bon anganiko ngkoa, ao ngkai e a ataia b'a e a bikoukou, ao e a aki kubarai. Ke E baairei taekara te UEA b'a antai ae bure mai roura, ngkoe ke ngai.”

Karikani B'aai 31:53

E na motikitaeka i marenara Atuan Aberaam, ao Atuan Naora.” Ao i mwiina, e a kamatoa ana boraraoi Iakob'a ni berita n aran te Atua are e tataromauria tamana are Itaaka.

Karikani B'aai 34:30

Ao e taku Iakob'a nakon Timeon ma Rewi, “Kam a tia ni karekeai n te kangaanga; ngkai a ribaai kaain Kanaan, ma taian Beritaite, ma aomata ni kabane n te aba aei. Ti na bon bane ni mate ngkana a bootia aia aomata ni buakaniira b'a bon ti tabeman ara aomata.”

2.Tamuera 10:6

Ao a tib'a ataia kaain Ammon ae a rangi ni kauna Tawita, ma ngaia are, a manga kabooia riki tautia mairouia ianena. Uabwi ma uoua te ngaa mai buakoia aika taan nakonako man kaawan Aramean ake Beta Reoba ao Tob'a, teuana tengaa mairoun te uea are Maaka, ao tebwi ma uoua tengaa man te aono are Toba.

1.Rongorongo 19:6

Ao a tib'a namakinna kaain Ammon ae a rangi ni kauna Tawita. Ma ngaia are, a kabooi e raka i aon tenibwi ma aua te ngaa te kirokuraem te tirewa i bukin kaboaia te taanga ni buaka ake a toka i aoia aoti mai Metobotamia ao man abanuean Turia ake Maaka ao Tob'a.

Te Otinako 14:11

Ao a taku nakoni Moote, “E raoiroi riki ngke ti taunaki n taian ruanimate ake i Aikubita, nakon ae ko kairira mai b'a ti na mate i nanon te rereua! Noora te b'ai ae ko a tia ni karaoia ngkai nako ira, ngkai ko uotiira nako mai Aikubita!

Te Otinako 15:24

Ao a ngurengure aomata nakoni Moote, ao a taku, “Tera ngkai ae ti nang mooi iai?”

Te Otinako 16:2

Ao a ngurengure nakoni Moote ma Aaron i nanon te rereua arei

Te Otinako 4:31

ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

Te Otinako 5:20

Ao ngke a tia ni kiitana te uea, a nako ni kawara Moote ma Aaron, ake a tataningaia.

Te Otinako 6:9

Ao ngke e tuangiia Iteraera taekan te baei i bukiia, ao a rangi ni b'ara nanoia iai ao a rawa ni kakoaua.

Te Minita 10:1

E kaboiraaea ana kabira te tia motiboi naango tabeman aika a mate i nanon te kabira, ao e kabuakaka te wanawana ae e m'aiti te nanobaba ae ti teutana.

Itaia 30:6

Aio rongorongoia manin te Rereua are maiaki: “Ngkami aomata aika kam uouoti kaub'aimi i aon taian aati ma kamero. Kam m'ananga nakon te botannaomata ae e mamaara ri nanon te rereua ae e kaangaanga ae e onrake n taian raian ao taian raakon aika a tiritiri aika a kiikiba.

Ioera 2:20

A buaka te taanga ni buaka mai meang, ma N na kakionakoia nakon te rereua are e kabuebue. Ao a na mka ma ni m'aung ni moa man Taari are Mate ni karokoa te Mereterenian.” E karaoi taian kakai te UEA

Warekaia Iteraera 14:22

ao I tuea b'a akea mai buakoia koraki aikai ae na noora te aba are I berita iai nakoia aia bakatibu b'a N na anganiia.

Warekaia Iteraera 14:3

E boni kairiira n nako Kanaan te UEA b'a ti na bane n tiringaki ma n tauaki ara aine ma ataei b'a taenikai? E raoiroi riki ngke ti mena i Aikubita.”

1.Tamuera 13:4

Ao a kaangai taan uarongorongo nakoia Iteraera, “E a tia Tauro n urua aia kaemb'a kaain Biritia i Keeb'a. Ao a rangi n ribaia Iteraera kaain Biritia, ma ngaia are, a na riai ni kanakoia m'aane ni kabane kaawa nako b'a a na raoniia ana taanga ni buaka Tauro i Kirekara.”

1.Tamuera 27:12

Ma e onimakina Tawita Akiti ao e taku i bon i nanona, “E rangi n ribaaki irouia oin ana aomata aika Iteraera ao e na bon m'akuri ibuku ni kabane maiuna.”