Te Otinako 5:2 - Te B'aib'ara

² Ao e kaeka te uea ni kaangai, “Antai te UEA aei, ao bukin tera ngkai N na ongotaeka i Rouna? I rawa ni kanakoi ngkami ma ami aomata!”

Te Otinako 5:2 ပူးပေါင်းရင်းမြစ်များ

2.Uea 18:35

Bon akea mai buakoia anti aikai ae e konaa ni kaawakiniia ana aomata mairoun uean Aturia. E nang konaa riki te UEA ae Atuami ni kamaiungkami?’ ”

2.Rongorongo 32:14

Bon akea mai buakoia anti aikai a kamaiuia aia aomata mairoun uean Aturia. Ao ngkami, kam taku b'a e konaa Atuami ni kamaiungkami?

2.Rongorongo 32:15

Kam na aki kananobabaaki iroun Etekia! Bon akea antiia botannaomata aika a konaa ni kaaitaraa Aturia. Kam na kakoauaai, e bon aki konaa naba Atuami ni kamaiungkami!

2.Rongorongo 32:19

A taekina naba te UEA ae te Atua taian mataniwi akekei b'a kaanga ai aron te anti n aki akaaka ke te bouannanti ae e karaoaki iroun te aomata.

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Iobi 15:25

A riki baikai, b'a a tia ni kataia ni katokai baiia i aon te Atua, ma ni kataia ni kaaitaraa teuare moan te m'aaka.

Iobi 15:26

E uota otangana, ao e biri ni buakana te Atua ma te aoburamaiu;

Iobi 21:15

A taku n aia iango b'a akea uaan te beku i bukin te Atua, ao te tataro nako Ina.

Taian Areru 10:4

E aki kan reitaki teutana ma te Atua te aomata ae buakaka; E taku n ana iango b'a akea te Atua.

Taian Areru 12:4

“Ti kareke baika ti tangiri man rabakaura n taetae. Taan taetae ngaira aika ti b'aakuaku, ao akea i aora.”

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 14:1

Bon ti te aomata ae e nanobaba ae e kona ni kaangai, “Akea te Atua.” Akea bonganaia aomata aikai; Akea irouia ae karaoa ae e raoiroi, ao akea te raoiroi i nanoia.

Te Otinako 3:19

Ma I ataia b'a e na bon aki kanakoingkami uean Aikubita ni karokoa iai te b'ai teuana ae e na kairoroa b'a e na kariaia.

Te Otinako 7:17

“E nang karaoa te b'ai teuana te UEA ni kaotia b'a bon te UEA Ngaia. N na orea te Naire n te oko aei, ao e na onikaki te ran nakon te raraa.”

Taeka n Rabakau 30:9

Ngkana e a manga rangi n rawata kanau, ao ane n na manga m'aninga taekam; ao ngkana e a manga aki tau, ao ane n na manga kimoa ma ni kamamaaea aram.

Ieremia 42:13

Ma ane kam na teimatoa n atonga ae e kaangai, “Ti na aki tiku i Iuta ikai, ao ti na aki ongotaeka nakon te UEA ae Atuara.

Ieremia 48:26

Kaain Moaba, kam taku b'a kam korakora riki nako iu. Ma N na tuangiia botannaomata tabeua b'a a na kamangingkami ao a na ngareakiningkami ngkana kam b'aka n rukurukumaki i nanon mumutami.

Taniera 3:15

Ma ngaia ae ngkai, n te tai are kam ongo iai tangin te bu, ma te bikura, ma te raea, ma te tita, ma te aabi, ao b'aai ni tangitang ake tabeua, ao kam na bobaraaki n taromauriia te bouananti. Ao ngkana kam aki, ao kam na teweakinako nako nanon te ai ae e ura m'aaka. Kam taku b'a iai riki te anti temanna ae e kona ni kamaiungkami?”

Ioane 16:3

A na karaoi baikai nakoimi aomata i bukina b'a a aki ata Tamau, ao a aki ataai naba.

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

Tani Motiki-taeka 2:10

Ao i mwiin te tai ae aki maan, a mate kaain ana roro Iotua, ao a aki ataa te UEA te roro are i mwiina, ke a aki atai b'aai ni kabane ake E a tia ni karaoi te UEA i bukiia Iteraera ngkoa.

1.Tamuera 2:12

Bon taian ibonga natin Eri ake m'aane, ma a aki ongotaeka, ao aki kakaonimaki nakon te UEA.

1.Tamuera 25:10

ni karokoa e anga ana kabanea ni kaeka Nab'ara ae e kaangai, “Tawita? Antai te aomata anne? I tuai man ongongo arana mai m'aaina! A kaona aon te aba tooro aika a biri nako ni boong aikai!