Te Otinako 5:16 - Te B'aib'ara

¹⁶ Bon akea ae e anganiira te uteute, ao ti bon tuangaki naba b'a ti na boni karaoa te buriki ni m'aitin are ti kaakaraoia mai m'aaina. Ti oreaki n taiani kainikataere, ao a boni bure am aomata.”

Te Otinako 5:16 ပူးပေါင်းရင်းမြစ်များ

Karikani B'aai 11:3

A kabooi nanoia ao a taku, “Bane mai b'a ti na karaoi buriki aika matoatoa. Ma ngaia are, a reke aia buriki are a na kateitei iai, ao te taa are a na kanimwi iai.”

1.Uea 12:14

E taetae ni kaitaraia n aki karariki teutana man tuangiia aia taeka ni buobuoki ana taani buobuoki ao e taku: “E kam'akuri korakorai ngkami tamau, ma ngai N na rangi ni kam'akuri korakorai ngkami riki. E kataerei ngkami ni kainikataere ao ngai N na kataerei ngkami ni kainikataere aika iai m'akoro ni biti aika a kakang aika a nim iai!”

Te Otinako 5:15

Ao n tokina mm'aane aika Iteraera ake a tararuaia tooro a m'ananga ni kawara te uea ao a taku, “E aera ngkai ko karaoa aei nako ira?

Te Otinako 5:17

Ao e kaeka te uea ni kaangai, “Kam rangi n taningaroti, bon akea manenami b'a kam taningaroti! Ao bon anne bukina ngke kam aki toki ni buubutiai b'a N na kanakoi ngkami b'a kam na anga ami karea nakon Atuami.

Te Minita 4:1

I a manga taratara nako riki, ao I nooriia aomata aika a karaoaki ae a aki riai nakoia ni kabutaa te aonnaba. A tang, ma bon akea temanna i rarikiia ae e kona n anga te karaunano nakoia, ao te koraki ake a karaoa ae e aki raoiroi nakoia bon aomata aika iai te m'aaka irouia.

Etekiera 16:4

Ngke kam bungiaki, ao bon akea ae e koroiko mairoun tinam ke n teboka rab'atam. Bon akea ae e kabira rab'atam n te taoro ma b'aan te oriwa, ao n niiriko n taiani burangketi.