Te Otinako 40:33 - Te B'aib'ara

³³ Ao e katea te oo Moote ni katobibia te Um'antabunrianna, ao te baonikarea, ao e katinetinea te keeten i mataroan te oo. Ao ai anne aroni Moote ni karaoa m'akurian te Um'antabunrianna.

Te Otinako 40:33 ပူးပေါင်းရင်းမြစ်များ

1.Uea 6:14

Ma ngaia are, e a tia karaoan te Tembora irouia ana taani m'akuri Toromon.

1.Uea 6:9

E karaoaki taubukin te Tembora man taiani kai aika a anaanau ao n raababa, ao kairababa man te kai ae te tiira. E a bane m'akurian tinanikun te Tembora irouia taani m'akuri.

Te Otinako 39:32

Ao e a tia raoi te m'akuri i aon Ana Um'antabunrianna te UEA. A karaoi b'aai ni kabane Iteraera n aron are E a tia te UEA ni mwiokoa iai Moote.

Te Otinako 40:32

ni katoa riniia n te Um'antabunrianna, ke nakoia nakon te baonikarea, n aron are E a tia ni baaireia te UEA.

Te Otinako 40:8

Katea oona ni katobibia, ao katinetinea te keeten ni mataroana.

Tekaria 4:9

Ao e kawenea aan te Tembora Terub'abera, ao e na katiaa raoi. Ao ane a na ataia iai aomata b'a I kanakoko, Ngai ae te UEA ae Moan te M'aaka.

Warekaia Iteraera 1:50

Ma kam na anganiia tabeia ae tararuaakin te Um'antabunrianna, ma b'aina nako, ao taiani b'ai n taromauri. A na katei auti n rianna ni katobibia te Um'antabunrianna.

Mataio 16:8

Ma Iesu, ngke E ata aei, ao E taku, “Ngkami aika karako ami onimaki, kam aera ngkai kam iango i roumi i bukin akean te am'arake i roumi?

Ioane 10:9

Boni Ngai te mataroa; ngkana e rin te aomata irou, ao e na kamaiuaki: e na rin ao e na oti nako, ao e na karekea kanana.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 17:4

I a tia n neboiko i aon te aba, ni katiaan te m'akuri are Ko anganai b'a N na karaoia;

Ioane 4:34

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

1.I-Korinto 12:12

Kristo ai aron te rab'ata ae ti teuana, ae a bati b'aina; ma e boni ngae ni bati b'aina, ma bon te rab'ata ae ti teuana.

1.I-Korinto 12:28

Ao E a tia te Atua ni kateia tem'angina i nanon te ekaretia: taan tuatua moa; te kauoua, burabeti; te katenua, taan reirei; ao i mwiia, taani karaoi m'akuri aika kamimii; ao i mwiia, te koraki aika anganaki te b'ai n tituaraoi i bukini katokan aoraki; ma taani buobuoki, ma taani kairiri, ma taan taetae n taetae aika a aki ataaki nanoia.

I-Ebeto 2:18

I bukin te baere E karaoia Kristo, ao ngaira aika I-Iutaia ma aika tiaki I-Iutaia ti a kona n roko i matan te Atua iroun te Tamnei ae ti temanna.

2.Timoteo 4:7

I a tia n rangi ni kekeiaki m'aaka, n te kekeiaki m'aaka ae e raoiroi; I a tia ni kabo biri m'aaka, ao I a tia n teimatoa i nanon te onimaki.