Te Otinako 40:20 - Te B'aib'ara

²⁰ Ao i mwiina, a anai atiibu ake baaba ni koroboki ake uoua, ao e karin i nanon te Atiniberita. E karin taiani kai n amo n taiani m'am'a ake n te Ati, ao e katoka mataia i aona.

Te Otinako 40:20 ပူးပေါင်းရင်းမြစ်များ

1.Uea 8:9

B'aai ake a kakawakinaki i nanon te Atiniberita bon baaba ake atiibu aika uoua ake e katikui Moote ikanne ngke E karaoa ana boraraoi te UEA ma aomatan Iteraera i aon te Maunga are Tinai, i mwiin kaotinakoaia mai Aikubita.

1.Rongorongo 15:3

I mwiina anne, e kaoiia aomata ni kabane Tawita b'a a na roko i Ierutarem ni mataku ni uotakin te Atiniberita nakon te tabo are e a tia ni karaoia b'a e na katukaki iai.

2.Rongorongo 5:10

Bon ti uoua b'aai ake a kaawakinaki i nanon te Atiniberita b'a taian atiibu aika a raababa aika uoua ake e katikui Moote ngke e karaoa ana boraraoi te UEA ma ana aomata n te Maunga are Tinai, i mwiin kaotinakoaia mai Aikubita.

Taian Areru 40:8

Ai kukurei ra ngai ni karaoa ae Ko tangiria, Atuau! I kawakina am Tua i nanou.

Te Otinako 16:34

Ao Aaron, e katikua i matan te Atiniberita, b'a e aonga ni kaawakinaki n aron Ana mwioko te UEA nakoni Moote.

Te Otinako 26:34

Katuka te Atiniberita are iai te tabo n akoi i aon matana i nanon te tabo are moan te tabu.

Te Otinako 31:18

Ngke bane ana taeka te Atua nakon Moote i aon te Maunga are Tinai, ao E anganna taian atiibu aika uoua aika raababa aika E a tia ni korei i aoia ana tua ni kabane, n oin tabonibaina.

Te Otinako 40:19

Ao e arora te rabuna i aon te Um'antabunrianna, ao e arora te rabuna are mai tinaniku i aona, n aron Ana mwioko te UEA.

Te Otinako 40:3

Karina te Atiniberita i nanona, are a mena iai tuua ake tebwina, ao katinea te keeten i matana.

Mataio 3:15

Ao Iesu E kaeka ni kangai, “Kariaia ngkai: b'a te b'ai ae riai i roura b'a ti na karaoi b'aai ni kabane ake E tangiri te Atua.” Ao e kariaia Ioane.

I-Rom 10:4

B'a Kristo E a tia ni katoka bonganan te Tua i bukiia ake a reke i rouia kaetan aroia n reitaki ma te Atua n aia onimaki.

I-Rom 3:25

are E anga b'a E aonga n riki, ni matena, b'a te kawai are a na kab'araki iai aia bure aomata nako, n onimakinana. E karaoa aei te Atua b'a E na kaota iai arona n reitaki ae e raoiroi ma aomata. N taai ake a b'akanako, ao E a tia n taotaona nanona n aki mutiakini buure;

Te Tua-Kaua 10:5

ao I uotirikaaki n iteran te maunga are teuana, ao I karin i nanon te Atiniberita, n aron are E mwiokoai iai. Ao bon ake a mena ikekei.

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.

Ebera 9:4

are kanoana te baonikarea ae te koora i bukini kabuokani karea aika boiarara, ma atin te berita are e kanim'aki te koora iai ni kabuta, are e mena i nanona te b'aati ae te koora are kanoana te manna, ma te kai are okon Aaron are a bwebwee baa ni kai maiai, ma baban te boraraoi ake atibu.

1.Ioane 2:2

boni Ngaia te kareanraoi i bukin ara bure; ao tiaki ti ara bure, ma aia bure naba kaain aonnaba ni kabaneia.