Te Otinako 40:18 - Te B'aib'ara

¹⁸ Ao e uniki ana aana Moote, ao e katei iai taiani kai ao e kanim iai kaai ake a bangaki, ao e katei taiani boua.

Te Otinako 40:18 ပူးပေါင်းရင်းမြစ်များ

2.Tamuera 7:6

I bon aki maeka n te tembora ngke I kaotinakoia au aomata mai Aikubita, ao I tuai ni maeka naba i nanon teuana n te tai aei. Bon mwengau te autinrianna n taabo nako ike I iriia nako iai.

Te Otinako 40:17

Ma ngaia are, e a tei raoi Ana Um'antabunrianna te UEA ike E memena iai ni moanibongin te moan nam'akaina n te kauoua n ririki i mwiin kitanakin Aikubita.

Te Otinako 40:19

Ao e arora te rabuna i aon te Um'antabunrianna, ao e arora te rabuna are mai tinaniku i aona, n aron Ana mwioko te UEA.

Te Otinako 40:2

Ko na katea Au Um'antabunrianna ike N na memena iai ni moanibongin te moan n ririki.

Itaia 33:24

Ane e na kab'arai ami bure te UEA ao ane a na akea mai buakomi ae e na kaangai, “Kaanga I aoraki.”

Nakoaia Ibonga 26:11

N na maeka i buakomi ao N na aki manga taraingkami ma te riribai.

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

I-Karatia 4:4

Ma ngke e a koro raoi taina, ao te Atua E kanakoa Natina. E bungiaki iroun te aine, ao E mena i aan te Tua,

1.Timoteo 3:15

Ma ngkana I waeremwe, ao baika I koroi a na tuangko te aroaro ae riai ni b'ainaki i buakoia ana utu te Atua, ae ana ekaretia te Atua ae maiu, ae te ekaretia ae taua te koaua mai aana b'a bouana ao aana.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

Te Kaotioti 21:3

Ao I ongo te b'ana man te kaintokanuea b'a e kaangai, “Noria, e mena ana um'anrianna te Atua irouia aomata! E na maeka i rouia, ao a na riki b'a ana botannaomata; ao te Atua E na memena i rouia.