Te Otinako 40:10 - Te B'aib'ara

¹⁰ I mwiina, katabua te baonikarea ma b'aina ni kabane ni katimtim'a te b'aa i aona, ao e na riki n tabu iai.

Te Otinako 40:10 ပူးပေါင်းရင်းမြစ်များ

Te Otinako 30:29

Ko kariki b'a b'aai aika tabu ngkana ko katabui n te aro aei, n te aro are e na manga riki n tabu te aomata are e riingi.

Te Otinako 40:11

Ao katabua naba te beetin n tebotebo ma nangoana n te aro naba anne.

Itaia 11:2

E na meemena taamnein te UEA i rouna n anganna te ataib'ai, te rabakau, ao te wanawana. E na korakora, ao e na ataa te UEA ma ni karinea.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Nakoaia Ibonga 6:17

E a tia n anga te UEA nakoia ibonga b'a tib'aia man te am'arake are te karea. E bon rangi n tabu n ai aron taian karea ni kab'arabure, ao taian karea ni kabomwi.

Nakoaia Ibonga 8:11

E anaa riki te b'aa, ao e a manga katimtim'a itiua te tai i aon te baonikarea, ma b'aina nako ma te beetin, ma nangoana, b'a e katabui nakon te UEA.

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

Ioane 17:19

Ao I tabuai i bukiia, b'a a aonga n tabuaki n am taeka aika koaua.

Ioane 3:34

B'a Teuare E kanakoa te Atua ao boni Ngaia ae E taekin ana taeka te Atua, i bukina b'a E anganaki te Tamnei iroun te Atua n aki tiatianaki.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.