Te Otinako 4:5 - Te B'aib'ara

⁵ Ao E taku te UEA, “Ko na karaoa aei, ao ane a na kakoauako iai Iteraera b'a ko a bon tia n noorai, Ngai ae te Atua are I taromauriaki irouia aia bakatibu ake Aberaam, Itaaka, ao Iakob'a.”

Te Otinako 4:5 ပူးပေါင်းရင်းမြစ်များ

Karikani B'aai 12:7

Ao E kaoti te UEA nakon Aberam, ao E taku, “Bon aio te aba are N nang anganiia am kariki.” Ao e karaoa te baonikarea Aberam i bukin te UEA are E kaoti ngkoa nakoina.

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 18:1

Ao E kaoti te UEA nakon Aberaam n te oke are atoatongaki are ana oke Mamre. I nanon kabuebuen te tawanou teuana ngke e tabe n tekateka Aberaam n mataroan ana auti n rianna,

Karikani B'aai 26:2

Ao E a tia ni kaoti te UEA nakon Itaaka ma n taku, “Ko na aki nako Aikubita; tiiku n te aba aei n aron are I tuangko b'a ko na tiku iai.

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 48:15

Ao i mwiin anne, ao e a kakab'aiaa Ioteb'a, “E bia kakab'aiaia ataei ni mm'aane aikai te Atua are a toro i rouna tamau ake Aberaam ao Itaaka. E bia kakab'aiaia te Atua are E a tia ni kairai nakon te bong aio.

Karikani B'aai 48:3

Ao e taku Iakob'a nakon Ioteb'a, “E kaoti te Atua ae m'aaka nako iu i Ruti n te aba are Kanaan, ao E kakab'aiaai,

1.Uea 18:36

Ao ngke e a bo tain te angakarea n te tairiki, ao e tataro Eria ni kaangai: Ara UEA, Boni ngkoe Atuan Aberaam, Itaaka, ao Iteraera. Ko na kaotia raoi b'a boni ngkoe Atuan te botannaomata aei, ao ngai ae am toro I boni karaoa aei n am babaaire.

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

Te Otinako 19:9

Ao E taku te UEA nakoni Moote, “N na kawariko n te nang ae matenten, b'a a aonga n ongo b'anaau aomata ngkana I taetae ma ngkoe, ao a na kakoauako man te tai aei, ao n taai nako.” Ao Moote e tuanga te UEA aia kaeka aomata,

Te Otinako 3:15

Ko na tuangiia b'a bon te UEA Ngai ae Atuaia aia bakatibu, Atuan Aberaam, Itaaka, ao Iakob'a, ae I kanakoko nako ia. Bon aei arau n aki toki, Aio arau ae a na aranai iai rooro aika rimwi.

Te Otinako 3:16

Weteia ni kabane taani kairiiri i aon Iteraera ao tuangiia b'a E a tia ni kaoti nako im te Atua are E taromauriaki irouia Aberaam, Itaaka, ao Iakob'a. Tuangiia b'a I a tia n noora buakakan kairaia i Aikubita,

Te Otinako 3:18

Ane a na kakauongo i roum taani kairiiri i bukiia Iteraera. Ao i mwiina, ko na kairiia nakon uean Aikubita ao ko na kaangai, “E a tia ni kaoti te UEA ae Atuaia Ebera. Ko na kariaia b'a ti na nako n nakonako i nanon tenua te bong n te rereua, ike ti na konaa n anga iai ara karea nako Ina.”

Te Otinako 3:4

Ao ngke E nooria te UEA b'a e a roko Moote i rarikin te buakoako n aroka, ao E a wetea arana, ao e kaeka Moote, “Aio ngai.”

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Te Otinako 4:1

Ao e titiraki Moote nakon te UEA ni kaangai, “Ngkana tao a bane aomata n rawa n ongo nakon au rongorongo, n akea temanna ae e kakoaua b'a ko kaoti nako iu?

Te Otinako 4:31

ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

Te Otinako 4:4

Ao E taku te UEA nako ina, “Tabekia mai bukina,” Ao e karaoa arei Moote, ao e a manga riki b'a te oko arei.”

Itaia 7:9

Ma i mwiin ae e aki raka riki nakon onobwi ma nimaua te ririki, ao e na mauna Iteraera. Ao a na konaaki Aati ma ana mataniwi ngkana a aki onimakinai.

Ieremia 31:3

Tabeua boong aika a nako, E kaoti te UEA nako iu ao E taku: Iteraera, N na tangiriko n taai nako; bon anne bukina ngkai I aki toki n taotaona nanou ma n akoi.

Ioane 11:15

ma I kukurei i bukimi ngke I aki mena ikekei, b'a kam aonga n onimakinai.”

Ioane 11:42

Ao I ataia b'a Ko ongongo irou n taai nako: ma I atonga aei i bukiia aomata aika teitei ikai, b'a a aonga ni kakoaua b'a Ngkoe ae Ko kanakomaiai.”

Ioane 20:27

Ao i mwina E taku nakon Toma, “Kaki tabonibaim ikai, ao tarai baiu; ao arora mai baim ao karinna i nanon rarikiu; kaaki arom n aki onimaki, ao b'aina te onimaki.”

Ioane 20:31

ma a koreaki aikai b'a kam aonga ni kakoaua b'a Iesu bon te Kristo, are Natin te Atua; ao ngkai kam onimakinna, ao e na reke iroumi te maiu n arana.

Ioane 5:36

Ma iai te b'ai ni kakoaua i buku ae moamoa riki nakon are kaotiotia Ioane: boni baika I karaoi, aika m'akuri ake E anganai te Tama b'a N na karaoi; a riki b'a b'ai ni kakoaua i buku, ao a kaotia b'a E kanakomaiai te Tama.

M'akuri 7:2

Ao e kaangai Tetebano, Mm'aane aika taari, ma taama, kam na ongora. E kaoti te Atua are mimitong nakon tamara are Aberaam, ngke e mena i Metobotamia, ngke e tuai ni maeka i Aran.

Ebera 11:16

Ma a bon tangira te tabo ae raoiroi riki, are i karawa. Ma ngaia are E aki mamaa te Atua n atongaki i rouia b'a Atuaia, b'a E a tia ni katauraoa aia kawa i bukiia.