Te Otinako 4:31 - Te B'aib'ara

³¹ ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

Te Otinako 4:31 ပူးပေါင်းရင်းမြစ်များ

Karikani B'aai 17:3

Ao e bobaraaki Aberam, ao e kabooa matana ma aontano, ao E taku te Atua,

Karikani B'aai 24:26

Ao e katorobubua te mm'aane arei n taromauria te UEA.

Karikani B'aai 29:32

Ao e bikoukou Nei Reea, ao e bungia te nati te mm'aane. Ao e taku, “E a tia n noori au kaangaanga te UEA, ao ngkai e nang tangirai buu.” Ma ngaia are, e aranna b'a Reuben.

Karikani B'aai 50:24

Ao e taku nako ia tarina, “E a kaan mateu, ma E na boni kaawakiningkami te Atua ma ni kairingkami ni kaotinakoingkami man te aba aei nakon te aba are E a tia ni berita iai nakon Aberaam, Itaaka, ao Iakob'a.”

1.Rongorongo 29:20

Ao e a manga taku Tawita nako ia aomata, “Ami tai ngkanne n neboa te UEA, are te Atua are a tataromauria ami bakatibu!” Ma ngaia are, a bane aomata n neboa te UEA, ao a bobaraaki ni karinea ma aia uea are Tawita.

2.Rongorongo 20:18

E bobaraaki ni karinanoa Ieotiab'ata nako aontano ao a bane aomata n taromauria te UEA.

2.Rongorongo 32:8

b'a e buaka n ara itera te UEA ae Atuara. A ti onimakina korakoran te aomata kaain Aturia. Ao a kakorakoraaki ana taanga ni buaka Iuta n taeka aikai.

2.Rongorongo 7:3

Ao ngke a noora te ai ma mimitongin te UEA te koraki n aomata arei, ao a katorobubua ao n taromauriia te UEA. A tataro ni kaangai: “E raoiroi te UEA, ao akea tokin ana tangira.”

Neemia 8:6

Ao e neboa te UEA ae te Atua Etira, ao a takaarua aomata ni kaangai, “Amen! Amen!” Ao i mwiina, a boobaraaki nako aontano ao a taromauriia te UEA.

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Te Otinako 12:27

ao kam na kaeka ni kaangai, “Bon karean te Riao i bukin karinean te UEA, i bukina ngke E riaoia aia auti Iteraera i Aikubita. E tiringiia kaain Aikubita, ma E kamaiura.” A katorobubua Iteraera n taromauri.

Te Otinako 14:31

Ao ngke a noora te m'aaka ae korakora Iteraera are E a tia te UEA ni kataenikaiia iai kaain Aikubita, ao a maaka te UEA, ao a onimakina te UEA, ao a kakoaua ana toro are Moote.

Te Otinako 19:8

Ao i mwiin arei, ao a bane aomata n taku, “Ti na karaoi b'aai ni kabane akana E taekin te UEA,” ao e kaota arei Moote nakon te UEA.

Te Otinako 19:9

Ao E taku te UEA nakoni Moote, “N na kawariko n te nang ae matenten, b'a a aonga n ongo b'anaau aomata ngkana I taetae ma ngkoe, ao a na kakoauako man te tai aei, ao n taai nako.” Ao Moote e tuanga te UEA aia kaeka aomata,

Te Otinako 2:25

ao i bukina naba ngke E ataa te b'ai ae e riki nako ia Ana aomata, ao E nanoangaiia.

Te Otinako 3:16

Weteia ni kabane taani kairiiri i aon Iteraera ao tuangiia b'a E a tia ni kaoti nako im te Atua are E taromauriaki irouia Aberaam, Itaaka, ao Iakob'a. Tuangiia b'a I a tia n noora buakakan kairaia i Aikubita,

Te Otinako 3:18

Ane a na kakauongo i roum taani kairiiri i bukiia Iteraera. Ao i mwiina, ko na kairiia nakon uean Aikubita ao ko na kaangai, “E a tia ni kaoti te UEA ae Atuaia Ebera. Ko na kariaia b'a ti na nako n nakonako i nanon tenua te bong n te rereua, ike ti na konaa n anga iai ara karea nako Ina.”

Te Otinako 3:7

Ao E taku te UEA: I a tia n noora aron rawaawatan tautoronakiia Au aomata i Aikubita, ao I ongo b'anaaia ni buubuti buokaia mai Rou i bukin te aro ae aki riai are e karaoaki nako ia,

Te Otinako 33:10

ao E na taetae te UEA ma Moote n itaramata, kaanga aron temanna ae e maroroo ma raona.

Te Otinako 34:8

Ao e kawaekoaa ni boobaraaki Moote nako aontano ao e taromauriia te UEA.

Te Otinako 4:5

Ao E taku te UEA, “Ko na karaoa aei, ao ane a na kakoauako iai Iteraera b'a ko a bon tia n noorai, Ngai ae te Atua are I taromauriaki irouia aia bakatibu ake Aberaam, Itaaka, ao Iakob'a.”

Teb'ania 2:7

Aomatan Iuta ake nikira ni maiu a na maekana te aba. Ana kam'arakeia aia nanai ikekei ao ana matu n autin Atikeron. Te UEA ae te Atua E na memena irouia ao E na manga kaoki kab'aiaia.

Ruka 1:68

E na neboaki te Uea, ae Atuaia Iteraera! b'a E kawariia ana aomata ao E kamaiuia,

Ruka 8:13

Ao ake i aon te ririb'a bon te koraki ake a ongo te taeka ao a kaaki i nanoia ma te kim'areirei; ti te bo te koraki aei ma koraa ake akea wakaaia: a onimaki i nanon te tai ae aki maan, ma ngke a kaririaki ao a b'aka.

Ruuta 1:6

I mwin te tai ae aki maan, ao e ongo Naomi b'a E a tia ni kakab'aia ana Aomata te Atua, n anga te maiu nakon abaia. Ngaia are e a katauraoi ni kitana Moaaba ma buuia natina.