Te Otinako 4:15 - Te B'aib'ara

¹⁵ Ko konaa n taetae nako ina ma n tuangnga te b'ai ae I taekinna. N na buokingkami ni kauoman n taetae, ao N na kaai n tuangkami te b'ai ae kam na karaoia.

Te Otinako 4:15 ပူးပေါင်းရင်းမြစ်များ

2.Tamuera 14:3

Ao e taku Ioaba nakoina, “Karina i aom te kunnikai ni mate ao ko na aki katoka i aon moam te b'ai ni katikiraoi teuana. Naako nakon te uea ao bakaaea aongkoa ko a tia n tang n te tai ae e maan i bukin temanna ae e rangi n tangiraki.

Taian Areru 25:12

A na reireiaki iroun te UEA akana ongeaba i rouna, Te kawai ae a riai n toua.

Taian Areru 51:15

Buokai b'a N na taetae, Ao N na neboiko.

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Te Otinako 4:12

Ko na nako ngkai! N na raoniko ngkana ko taetae ma n anganiko taeka aika ko na taekin.”

Te Otinako 4:28

Ao e tuanga Aaron Moote te b'ai are kanakoa iai te Atua b'a e na taekinna, e bon tuangnga naba taekan te m'akuri ni kakai are E a tia n anganna te Atua b'a e na konaa ni karaoia.

Te Otinako 4:30

ao Aaron e tuangiia te b'ai are E kanakoa iai te Atua Moote b'a e na taekinna. Ao i mwiina, e karaoi taian kakai Moote nako ia aomata,

Itaia 51:16

I a tia n tuangngkami te b'ai ae kam na taekinna, ao N na teimatoa ni kamaiungkami i nanoni baiu. I taakina nako taiani karawa ao I kawenei aan nako te aonnaba. Ao ngkai I kaangai, “au Aomata kaain Ierutarem.”

Itaia 59:21

E taku te UEA: “Au Aomata, I berita b'a N na anga Tamneiu ma au taeka. E na riki aei b'a au b'aintangira nakoimi ma ami utu n aki toki. Bon aei au taeka Ngai ae te UEA.”

Ieremia 1:9

E kanakoa baina te UEA, ao e riinga wiiu ao e taku, “I anganiko taeka aika ko na taekin,

Ieremia 36:32

Ao i mwiin banen ana taetae te UEA nako iu, ao I a manga anaa te niira ni boki teuana ao I angan B'aruka. Ao I a tuangnga b'aai ake e na koroi i aona, ma ngaia are, kanoan te kauoua n niira ni boki aei bon ti te bo raoi ma are e kabuokia Ieoiakim.

Warekaia Iteraera 16:28

Ao e taku Moote nako ia aomata, “E a tia n rineai te UEA, ao E tuangai b'a N na karaoi baikai, bon tiaki au iango. Ao kam na noora koauana n te tai aei:

Warekaia Iteraera 22:38

Ao e taku B'araam “Ao ae I a roko ngkai, ma N na bon ti taekin baike E tuangai te UEA b'a N na taekin.”

Warekaia Iteraera 23:12

Ao e kaeka B'araam ao e taku, “I ti kona n taekin baike E tuangai te UEA.”

Warekaia Iteraera 23:16

Ao E kaoti te UEA nakoni B'araam ao E a manga anganna naba te rongorongo, ao i mwiina, E a tuangnga b'a e na kawara B'araka n tuangnga te rongorongo.

Warekaia Iteraera 23:5

Ao E anga te rongorongo te UEA nakoni B'araam ao E a manga kaokia nakon B'araka.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

1.I-Korinto 11:23

B'a I karekea mairoun te UEA te baere I a tia naba n anganingkami: b'a E anaa te berena te UEA are Iesu n te bong are E kam'aneaki iai;

1.I-Korinto 15:1

Taari, I a manga tuangngkami te euangkerio are I taekinna nako imi, are kam kaki naba i nanomi, are kam tei naba iai,

Te Tua-Kaua 18:18

B'a ngkana I kan taetae nakoia aomata, ao N na rinea temanna te burabeti mai buakoia ae ai arom. N na anganna Au rongorongo nakon te burabeti b'a e na manga tuangiia raoi aomata te b'ai are I tuangnga.

Te Tua-Kaua 5:31

ma ngkoe ko na okirai ikai. Ao ngkana I tia n tuangko Au tua ma Au reirei, ao ko na manga taekin nakoia aomata, b'a a aonga n ongotaeka nakon tuua aikai n te aba are I anganiia.

1.Tamuera 16:3

ao e kaooa Iete nakon te angakarea. Ngkana I tia n tuangko b'a antai natina te m'aane ae I rineia, ao ko a kab'aroa naba i aon atuuna b'aan te oriwa.”