Te Otinako 4:12 - Te B'aib'ara

¹² Ko na nako ngkai! N na raoniko ngkana ko taetae ma n anganiko taeka aika ko na taekin.”

Te Otinako 4:12 ပူးပေါင်းရင်းမြစ်များ

Taian Areru 105:26

E kanakoa ana tabonibai are Moote, ma Aaron are E a tia n rineia.

Taian Areru 143:10

Bon Atuau Ngkoe; reireiai karaoan nanom. E na kairiirai Tamneim ae e raoiroi n te kawai ae aoraoi.

Taian Areru 32:9

Tai nanobaba n ai aron te aoti ke te miure ake a tangira kairakiia mani kabaean ubuia b'a a aonga n ongeaba.

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Te Otinako 4:13

Ao e buubuti Moote ao e kaangai, Te UEA, kanakoa temanna b'a e na karaoa anne.”

Te Otinako 4:15

Ko konaa n taetae nako ina ma n tuangnga te b'ai ae I taekinna. N na buokingkami ni kauoman n taetae, ao N na kaai n tuangkami te b'ai ae kam na karaoia.

Te Otinako 4:16

E na riki b'a am tia taetae ao e na taetae nako ia aomata i bukim. Ao i mwiina, ko na riki b'a kaanga te Atua, ae e ti tutuangnga te b'ai are e na taekinna.

Itaia 49:2

E kakangii au taeka n ai aron kabaang ke tabon te kanoanikatebe; ke kaawakinai raoi ni karabaai i nanoni baina.

Itaia 50:4

E anganai te UEA ae te Atua taeka ni koaua i bukin kaungaan nanoia aika a mamaara. E katoa ingaabong ni kautai ao I tangiria n kamateb'aia ana reirei;

Ieremia 1:9

E kanakoa baina te UEA, ao e riinga wiiu ao e taku, “I anganiko taeka aika ko na taekin,

Warekaia Iteraera 16:28

Ao e taku Moote nako ia aomata, “E a tia n rineai te UEA, ao E tuangai b'a N na karaoi baikai, bon tiaki au iango. Ao kam na noora koauana n te tai aei:

Mareko 13:11

Ngkana kam tauaki ao kam kateaki i matan te kabowi, ao tai katabei moa nanomi n iangoi taeka ake kam na taekin; b'a ngkana e a roko taina, ao kam na atong taeka ake kam na anganaki. B'a taeka ake kam na atong, a aki nako mai roumi; a nako mairoun te Tamnei are Raoiroi.

Ruka 11:1

N te tai teuana, ao E tataro Iesu n te tabo teuana; ao ngke E toki ana tataro, ao e taku ana reirei temanna nako Ina, “Te Uea, reireiniira te tataro n ai aron Ioane, ngke e reireiniia ana reirei.”

Ioane 14:26

Ma te Tia Buobuoki, are te Tamnei are Raoiroi, are E na kanakomaia te Tama n arau, E na reireingkami b'aai ni kabane, ao E na kaururingkami taeka ni kabane ake I a tia n atong.

I-Ebeto 6:19

ao i buku naba; b'a I aonga n anganaki te taetae, b'a N na kaurea wiiu n aki mamaku, ni kaota te baere raba are n te euangkerio,

Te Tua-Kaua 18:18

B'a ngkana I kan taetae nakoia aomata, ao N na rinea temanna te burabeti mai buakoia ae ai arom. N na anganna Au rongorongo nakon te burabeti b'a e na manga tuangiia raoi aomata te b'ai are I tuangnga.