Te Otinako 37:17 - Te B'aib'ara

¹⁷ Ao e karaoa te kaintaura Betarera man te koora ae itiaki. E karaoaki te kaintaura, n reitaki ma katamaroaana aika taian uee, a bane ni karaoaki man te koora ae ti teuana ae e amanaki,

Te Otinako 37:17 ပူးပေါင်းရင်းမြစ်များ

1.Rongorongo 28:15

n ikotaki ma kaintein te taura ao taian taura,

2.Rongorongo 13:11

A anga karea uoua te tai n te bongina ao a kabuoki b'aai ni kaboiarara nakon te UEA. A uota te kariki are e tabu nako aon te taibora aika a tia ni kaitiakaki, ao a kaurai taian taura ni kaintaura are te koora ni katoa bong ngkana e a bung taai. Ti karaoa ana mwioko te UEA ae te Atua are ko a tia n tannako mai rouna!

Te Otinako 31:8

te taura ma b'aina nako, baonikarean te b'ai ni kaboiarara are e kaakabubuaki, te baonikarea i bukin taian karea ma b'aina nako,

Te Otinako 37:16

A na bane b'aai nako akana i aon te taibora ni karaoaki naba n te koora—taian boora, taian raurau, taian tiaeki, ao taian m'angko i bukin te angab'ai are te wain.

Te Otinako 37:18

ma tenua m'aangana n iterana ake uoua.

Nakoaia Ibonga 24:4

Aaron e na karaoa kaintein te taura n te tabo are moan te tabu i nanon te Um'antabunrianna are e tabu. E na kaurai taura akana itiua n te tabo anne i matan te UEA, ao a na kateimatoaki n ura ni karokoa te ngaina, ni moa man te bong aei ni karokoa boong aika a na roko. E na tai bitaki te tua aei.

Tekaria 4:11

Ao i mwiina, I titirakina te anera ni kaangai, “Ao tenaan ra aroka ake taian oriwa ake ni iteran te kaintaura are teuana? A tei i bukin tera?

Tekaria 4:2

Ao i mwiina, e titirakinai ni kaangai, “Tera ae ko nooria?” Ao I kaeka ni kaangai, “Te kaintaura ma nnen b'aan te oriwa i aona. Ao i aon te kaintaura bon iai itiua taian taura, a bane n ura ni kaitiua.

Warekaia Iteraera 8:4

E karaoi kaintein te taura man te koora ae e amanaki, ni moa mai oina ni karokoa taiani uee ake i taubukina, ni katotonga raoi te tamnei are E kab'arab'ara te UEA nakoni Moote.

Mataio 5:15

Ao a aki kaura te taura aomata ni kaki i aan te b'aketi, ma a kaki i aoni nena; ao e nako ootana nakoia aomata ni kabaneia ake n te auti.

I-Biribi 2:15

b'a kam aonga n aki bukintaeka ngkana iai te kairua ae riki, ao b'a kam aonga n itiaki man te aro ae buakaka, ngkai natin te Atua ngkami aika akea te kairua iroumi i buakon te roro ae b'aoua ae buakaka; aika kam oota i buakoia b'a kanga itoi i aon te aba,

Ebera 9:2

B'a e kateaki te um'anrianna, ae iai i nanona te moa n ruu ae aranaki b'a te tabo ae tabu, are mena i nanona nen te taura n tei ao te taibora ma kariki aika katabuaki i bukin te Atua.

Te Kaotioti 1:12

Ao I rairaki b'a N na tara te aomata are taetae nako iu, ao I noori itiai kain-tei n taura aika koora, ma taura i aoia n tatabeua nako;