Te Otinako 34:9 - Te B'aib'ara

⁹ Ao e tataro ni kaangai, “Te UEA, ngkana arona b'a Ko bon kukurei irou, ao I tataro b'a Ko na iriira. E bon koaua ae bon taani bure aomata aikai ao taani kamangao, ma Ko na kab'arai ara bure ao karikiira b'a am aomata.”

Te Otinako 34:9 ပူးပေါင်းရင်းမြစ်များ

Taian Areru 135:4

E rinea Iakob'a bon i bukina, te botannaomata ae Iteraera b'a oin ana b'ai.

Taian Areru 25:11

Kawakina am berita, Te UEA, Ko na kab'ara au bure B'a a bati au bure.

Taian Areru 28:9

Te UEA, kamaiuia am botannaomata; ao kakab'aiaia te koraki akana am b'ai. Ko na riki b'a te tia kawakinia n ai aron te tia kawakin-tiibu; ao kawakinia n aki toki.

Taian Areru 33:12

E a kab'aia te botannaomata ae Atuana te UEA; A kab'aia aomata akana E rineia b'a ana b'ai.

Taian Areru 78:62

E rangi n un irouia ana botannaomata, ao E anga ngaiia b'a a na kamateaki irouia aiaia.

Taian Areru 94:14

Ane E na aki kaaki taekaia ana botannaomata te UEA; E na aki kitaniia akana ana b'ai.

Te Otinako 19:5

Ao ngkai, ngkana kam ongotaeka i Rou, ma ni kaawakin au berita, ao kam na riki b'a au aomata. Au b'ai te aonnaba ae b'anin, ma ngkami kam na riki b'a Au aomata aika rineaki,

Te Otinako 32:9

Moote, I a tia n noora aron taningamatoaia aomata aikai,

Te Otinako 33:12

E taku Moote nakon te UEA, “I ataia b'a ko a tia n tuangai b'a N na kairiia aomata aikai nakon te aba are Ko berita iai nakoia. Ma Ko bon tuai tuangai b'a antai ae e na riki b'a au kauoman. Ko a tia n taekinna b'a raoraou Ngkoe ao Ko kukurei i rou.

Te Otinako 34:7

I kakaawakina au berita nakoia au aomata n aki toki, ma I katuaaia aomata nako aika a bure. Ngkana a bure aomata, I katuaaia ma natiia, ao tibuia naba ma tibutoruia, ao tibutarataraia.”

Itaia 48:4

I ataia ae kam taningabono ao kam atuumatoa.

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Tekaria 2:12

Ao ane e na riki Iuta b'a m'akoron te aba are e tabu, ao Ierutarem e na manga riki b'a Ana kaawa ae rineaki.

Warekaia Iteraera 14:19

Ko rangi n akoi, ao Ko karaoa ae raoiroi riki nakon are e bon riai n reke nakoia. Ma ngaia are, ti butiiko b'a Ko na kab'arai aia bure aomata aikai n ai arom naba ngkoa ngke Ko kab'arai aia bure ngke ti kiitana Aikubita ni karokoa te tai aei.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Te Tua-Kaua 32:9

ma E kaawakina Iteraera te UEA.

Te Tua-Kaua 4:20

Ma bon ana Aomata te UEA ngkami, i bukina b'a E kairiingkami i nanon taiani kakatai aika kabuebue, ao E kamaiungkami mai Aikubita.

Te Tua-Kaua 9:18

Ao I bobaraaki n te tabo n taromauri, ao I tataro nakon te UEA, ao I aki am'am'arake ma ni mooi i nanon 40 te bong ao te ngaina. Kam a tia ni karaoa te bure ae rangi ni buakaka are karaoan te bouananti, ao E bon rangi n ribaa te b'ai are kam karaoia te UEA. Ao E rangi n maraki nanona n te aro are E na boni kamaunaingkami ni kabane n reitaki naba ma Aaron. Ma ngaia are, I tataro i bukimi, ao i bukin naba Aaron n aron are I karaoia naba ngkoa, ao E kaekai au tataro te UEA n te tai aei.

Te Tua-Kaua 9:26

Ao I tataro: Ara UEA, taiaoka n aki kamateia am Aomata. Ko a tia ni kamanenaa m'aakam ae korakora ni kamaiuia ngkoa mai Aikubita, ao Ko karikiia b'a am Aomata ni koaua.

Te Tua-Kaua 9:29

Ma Ngkoe ara UEA, ko rineia Iteraera b'a am Aomata ni koaua, ao Ko kamaiuia ni baim ae m'aaka mai Aikubita.