Te Otinako 34:6 - Te B'aib'ara

⁶ Ao i mwiina, e ri matan Moote ao e weewete ni kaangai, “Bon te UEA Ngai ae te Atua. I nanoanga ao I taotaonaki n nano nakoia au aomata. I kaota nakoim te tangira ae e korakora, ao te kakaonimaki.

Te Otinako 34:6 ပူးပေါင်းရင်းမြစ်များ

Karikani B'aai 24:27

Ao e taku, “E na neboaki te UEA, ae Atuan au toka are Aberaam, ae bon kakaonimaki ni kakoroa bukin ana Berita ma au toka. E a tia ni kairai raoi te UEA nakoia ana koraki au toka.”

2.Tamuera 24:14

Ao e rangi ni maaku Tawita, ao e taku, “E matoatoa rineana! Ma E bon akoi te UEA, e raoiroi riki katuaaeau Irouna nakon ae N na katuaaeaki iroun temanna.”

1.Uea 19:11

Ao E taku te UEA, “Ko na otinako, ao naako tei i aon te maunga. I tangiria b'a ko na noorai ngkana I rirarikim.” Ao e karina n roko te ang ae moan te korakora ni ioioa te maunga, ao ni katabwenabwenai taiani b'a. Ma E bon aki mena naba te UEA i nanon te ang ae moan te korakora. Ao i mwiina, e a manga roko te m'aeiei, ma e aki mena naba i nanon te m'aeiei.

1.Uea 8:30

Bon am toro ngai, ao am b'ai aomatan Iteraera. Ma ngaia are, ngkana iai mai i buakora ae e nakomai n tataro ao kaeka te UEA mani mwengam are i karawa ao kab'arai ara bure nako.

2.Rongorongo 30:9

ane a na kaota te nanoanga ami kairiribai ake a tauia ami utu ao ane a na kaokiia nakon mwengaia. E akoi te UEA ae te Atua ao e nanoanga, ngkana kam tanrikaaki nako ina, ao E na bon aki tannako mairoumi.

Neemia 9:17

Ma Ko bon nanoanga ngkoe Atuara ao Ko waekoa ni kab'arai buure; Ko tangira, Ko nanoanga, ao Ko nanorinano. Ma ngaia are, Ko aki konaa n tannako mairouia

Taian Areru 108:4

B'a e rota ae rietaata riki nakoni karawa am Atataiaomata, ao e roti naang am Kakaonimaki.

Taian Areru 111:4

Moan te kakannato te Atua n ana m'akuri aika kamimii; E ataataiaomata ao e nanoanga.

Taian Areru 111:8

A teimatoa n aki tootoki; a karaoaki n te koaua ma te eti.

Taian Areru 112:4

Ai aron te oota ngaia ae oota n te roo i bukiia akana raoiroi; E b'ab'aina te nanoanga ma te ataataiaomata ma te eti.

Taian Areru 116:5

E akoi te UEA, ao E raoiroi; E nanoanga Atuara.

Taian Areru 138:2

I bobaraaki ni kaitaraa am Auti are te Tembora are Tabu, ao I neboa Aram i bukin am Tangira ae akea tokina ma am Kakaonimaki, Ao i bukina b'a Ko a tia ni kaotia ae e moamoa riki Aram ma am Taeka nakoni b'aai ni kabane.

Taian Areru 145:8

E akoi te UEA ao E nanoanga, E aki kakai un ao E bati ana tangira.

Taian Areru 146:6

Ae karaoa karawa ma aonnaba ma marawa ma b'aai ni kabane akana mena iai. E korakora onimakinana.

Taian Areru 31:19

Ai kamimiira baika raraoi ake Ko kakawakin i bukiia ake a karineko! A bane aomata nako n ataiko b'a Ko raoiroi, Ao a ataa naba ae a mano raoi i Roum akana onimakiniko.

Taian Areru 57:10

Ai ab'ab'akira am Atataiaomata, ai aron raroan aontano ma karawa; ti te arona ma arom ni kakaonimaki.

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Taian Areru 91:4

E na rabuniko ni baina kanga ai aron te mannikiba ni kawakinia bunna i aani baina; E kakaonimaki te Atua ni kawakiniko ao ni kamanoko.

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Te Otinako 22:27

b'a bon ti anne rabunan te aomata ae maiu ni kainano are e na rabunna iai ngkana e matu n te tairiki. Bon te Atua Ngai ae I akoi, ao ngkana arona b'a a weteai, ao N na bon roko ni buokiia.

Te Otinako 33:19

Ao E kaeka te UEA ni kaangai: E tamaroa. Bon ami UEA Ngai, ao N na kaota au akoi ma au nanoanga nakoia aomata ni kabane aika I a tia n rineia. N na kariaia b'a ko noora mimitongiu ma n ongo arau ae E tabu,

Taeka n Rabakau 3:3

Ke e nooraki iroum n taai nako te tangira ma te kakaonimaki kaanga te m'ae n roroa, ao koroi inanom.

Te Minita 8:11

Ngkana ti nooriia aomata aika buure ma buakaka b'a a teimatoa ni kaakaraoa te bure ao a aki katuaaeaki, ao e na kairiira b'a ti na kani kaakaraoa naba te bure.

Itaia 12:4

Ane kam na kaangai n te tai arei, “Ti rangi ni kaaitauko, ara UEA. ao ti taromauriiko n ti ngkoe. Ti na tuangiia botannaomata aron mimitongim ma b'aai aika ko a tia ni karaoi.

Itaia 65:16

Kaain te aba ane e bubuti kakab'aiakina, e na tuangaki b'a e na kakab'aiaki mai roun te Atua ae e kakaonimaki. Ane e taetae ni bau e na taetae ni bau n aran te Atua ae e kakaonimaki.

Ieremia 32:18

Ko kaota am akoi nako ia roro aika ngaa, ma ko bon katuaaia aomata i bukin aia bure aia karo. Bon te UEA Ngkoe ae Moan te M'aaka.

Ieremia 9:24

Ngkana kam tangiria ni kamoamoaingkami, ao kam iango raoi riki ngkana kam kamoamoaa taromauriakiu, Ngai ae te UEA. Te b'ai ae I tangiria riki bon kaotan te akoi te motikitaeka ae eti, ao te nanoanga nako ia aomata ni kabane n te aonnaba.

B'aeb'aeti 3:23

E boou n te moaningabong koraki, n ai aron kakaonimakin otin taai.

Ioera 2:13

Kam na aki raeraei kunnikaimi i bukin kaotan nanokawakimi. Ma kam na okirai ma nanomi aika a uruaki. I nanoanga, I akoi, ao I areare. I aki kakai un, ao I aki tangira te karekekai.

Iona 4:2

Ao e tataro, “Te UEA, tiaki b'a bon aei te b'ai ae I kaman tuangko i m'aain kitanan mwengau b'a ko na bon karaoia? Ao bon anne bukina are I karaoa iai au kabanea n raoiroi ni biri nako Tibein! B'a I ataia b'a bon te Atua n Tangira ao n Akoi ngkoe. Ko aki kakaiun, Ko nanoanga, man tauraoi ni bita nanom, man aki karekekai.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Naum 1:3

E aki kakaiun te UEA, ao E m'aaka ao E aki toki ni katuaaia taani bure. E tei te angibuaka n te tabo are E nakonako iai te UEA; bubun waena taian nang!

Warekaia Iteraera 12:8

E norai, ao n i taramata ma ngai, ao b'aai ni kabane ake I tuangnga a teretere raoi. Ao bon akea riaimi ni ngureakina Au tia m'akuri ae Moote.”

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

I-Rom 2:4

Ke ko aki rangi ni mutiakina ana ataataiaomata ae bati, ma taotaonan nanona, ma arona n aki kakaiun? Ao ko aki ata ana ataataiaomata te Atua b'a e kairiko nakon rairan nanom?

Te Tua-Kaua 32:3

Kam na kaai n neboa aran te UEA ae Atuami ae kamimii ma ngai.

Te Tua-Kaua 4:31

E na nanoangaingkami te UEA ae Atuami, E na bon aki tiringingkami ke ni kitaningkami. E na bon uringa ana Berita, ao E na bon kaawakina ana Boraraoi are E a tia ni karaoia ma ami bakatibu.

Te Tua-Kaua 5:10

Ma ngkana kam tangirai ma n ongotaeka nakon Au tua, ao N na akoia ami utu ni karokoa tengaa te roro.

Iakobo 5:11

Noria, ti taku b'a a kab'aia ake a nanom'aka. Kam a tia n ongo nanom'aakan Iobi, ao kam ata aron te Uea n tabeakinna n tokina. B'a moan te nanoanga te Uea, ao E akoi.