Te Otinako 34:12 - Te B'aib'ara

¹² Kam na aki karaoa te iraorao ma temanna mai buakoia aomata aikai. Ngkana kam karaoa anne, ao e na riki b'a te m'aruarua ni kam'ane.

Te Otinako 34:12 ပူးပေါင်းရင်းမြစ်များ

1.Uea 11:2

Ma ngaia are, E a tia ni kauringiia b'a a na aki iein ma aine aika tiaki Iteraera. Ao e tangira buuna Toromon are natin uean Aikubita. Ma e tangiriia naba aine tabem'aang mai Moaaba, Ammon, ao Etom, ao tabeman mai Titon ao man abaia kaain Eta.

2.Uea 17:10

A karaoi naba bouanantin antiia ianena, ma baangota i bukin taromaurian Nei Aatera i aon taian tabuki nako, ao i aan nuun aroka nako aika a buubura.

2.Rongorongo 24:18

Ni bon te tai arei, ao a katoka taromauriia n ana Tembora te UEA ae te Atua kaain Iuta, ao a moana taromauriaia taian bouannanti ao bannan te anti are Nei Atera. Aikai m'akuri aika a buakaka aika e rangi n un iai te UEA ae te Atua irouia kaain Iuta ao Ierutarem,

Taian Areru 106:36

Ao a m'ane irouia b'a a taromauri aia bouananti.

Warekaia Iteraera 33:52

ao kam na kakioia nako aomata ake a maeka ikekei. Kamaunai aia bouananti, ao urui aia baonikarea.

Te Tua-Kaua 20:18

B'a ngkana kam kariaia b'a a na maeka i rarikimi, ao ane a na kairarangingkami nakon taromaurian taian anti aika ribaaki, ao ane kam na aki kakaonimaki iai nakon te UEA.

Te Tua-Kaua 7:16

Ngkana E buokingkami te UEA ni kataenikaiia ami kairiribai, ao kam na riai n tiringiia n aki manga nanoangaiia. Ao kam na aki m'ane ni manga taromauri atuaia.

Te Tua-Kaua 7:2

E na buokingkami te UEA ni kanakoia man te aba. Ao i mwiina kam na tiringiia n aki manga nanoangaiia teutana. Kam na aki karaoa te boraraoi n raoi ma ngaiia,

Iotua 9:7

Ao a kaangai aomatan Iteraera nakoia, “E aera ngkai ti na boraraoakina te raoi ma ngkami, e na mena ngkoa ao ngaia kam bon maeka ni kaan ma ngaira!”

Tani Motiki-taeka 6:10

Bon Atuami Ngai, ao I tuangingkami b'a kam na aki taromauriia atuaia kaain Amora, e ngae ngke kam a maeka n te aba are a maeka iai kaain Amora. Ma kam aki kan ongo irou.

Tani Motiki-taeka 8:27

Ao e okira mwengana Kiteon i Obera ao e karaoa te bouananti man te koora, are a manga waakina taromauriana Iteraera. Ao e riki b'a te b'ai ni kam'ane nakon Kiteon ma ana utu n taromauria te bouananti. A bon tia n rangi ni konaaki buaka kaain Miiria n te aro are a bon aki manga reke korakoraia ni buakaniia Iteraera. Ma ngaia are, a tiku n rau Iteraera i nanon 40 te ririki i nanon ana tai ni maiu Kiteon.