Te Otinako 33:4 - Te B'aib'ara

⁴ Bon i m'aain naba taetaen te UEA n taekin taeka aika a kamaraki aikai, E a kaman tuanga Moote ni kaangai, “Bon aomata aika a kamangao aomata aikai, ao N na bon tiringiia n te tai ae e waekoa ngkana I iriia.

Te Otinako 33:4 ပူးပေါင်းရင်းမြစ်များ

2.Tamuera 19:24

Ao e kaaitibo naba ma Tawita Mebiboteta are tibun Tauro te m'aane. E a tia n aki kakaitibo ma Tawita n te tai ae e maan n te aro are e tuai man tebotebo ke ni koreaki buaina ke ni uaati kunnikaina man te tai are e nako iai Tawita.

1.Uea 21:27

Ao ngke e ongo aei Aaba, ao e raeuaaka ana kunnikai ao e karin i aona taiani baeki aika a mangaingai ni bong ao ni ngaina. E rawawata nanona ao e aki am'arake.

2.Uea 19:1

Ao ngke e ongo te rongorongo arei Etekia, ao e raeuaa ana kunnikai i bukin rawawatan nanona, ao e karin kunnikai aika a mangaingai. Ao i mwiina, e nako n rin n ana Tembora te UEA

Etira 9:3

E bon rangi ni kauna nanou te rongorongo aei, ma ngaia are, I raeuai kunnikaiu ao I burimangaoa iran atuu ma buaiu. Ao i mwiina, I a tekateka ma te uruaki n nano,

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Iobi 2:12

Ao a kaman noora Iobi ma ngke a mena i keraroa ma aki kinaa, ma ngke a kinaa ao a moana tanginiweneia ma tangiia ni korakai. A raeuai aia kunnikai i bukin rawawataia, ao a tetewerakei taiani mannang nako eta i aon atuuia.

Te Otinako 33:6

ao a katoka katokaan taian b'ainikatamaaroa i aon rab'ataia i mwiin kiitanakin te Maunga are Tinai irouia.

Itaia 32:11

Ruru ma ni maaku, ngkami aine aika kam aki tarab'ai! Buutii kunnikaimi ao karin kunnikai aika a raeraeaki.

Etekiera 24:17

Ko na tang n te aro ae akea ae e na ongo tangim ao ko na kaotia b'a ko aki rawaawata. Ko na aki kanakoa am m'aita ke ni kanakoi am kauniwae; ko na aki rabun matam ni kaota nanokaawakim, ke ni kang am'arake aika a kaakang taan nanokawaki.”

Etekiera 24:23

Kam na aki buuti ami m'aita ma ami kauniwae. Kam na aki am'arake ke n tanginiwenei, ma kam na kabongnga n ririaki ma ni ngirangira i bukin ami bure nako.

Etekiera 26:16

Ane a na ruorikaaki taian uea mai aon aia kaintokanuea, ma ni buuti kunnikai ni uea ma kunnikaia taian rinen aika a tamaroa, ao a na tekateka i aon te tano ma te ruru ni maaku. A na bon tiaoki n rongorongon taenikaimii ao a na ruru ni maaku.

Otea 7:14

A bon aki naba tataro nako iu; a ti tang ni korakai i aon aia kainiwene. A ribaai i bukin B'aara ao a korobiti rab'ataia i bon irouia, ma te kaantaninga b'a B'aara e na kakab'aia arokaia.

Nakoaia Ibonga 10:6

Ao e taku Moote nakon Aaron ao nakon natina m'aane ake Ereata ao Itama, “Kam na aki kamangaongaoi irami ke n raeuai kunnikaimi ni kaota nanokawakimi. Kam na mate ngkana kam karaoa anne, ao E na un te UEA nako ia Iteraera ni kabane. Ma a konaa ni bane n tanginiwenei raomi n I-Iteraera i bukin te mate ane e riki man te ai are e kanakoa te UEA.

Iona 3:6

Ao ngke e ongo aei uean Ninewe ao e teirake naba man ana kaintokanuea, e buuta kunnikaina n uea mai aona, ao e karina naba te kunnikai ae e mangaingai, ao e tekateka i buakon te mannang.

Tekaria 7:3

Ma ngaia are, a tataro, “Tao ti na tanginiwenei ma n aki mamatam i nanon te kanimaua n nam'akaina, n aron are ti karaoia n ririki aika a b'aka nako?”

Tekaria 7:5

I nanon itibwi te ririki ao kam a tia n aki mamatam i nanon te kanimaua ao te kaitiua n nam'akaina n te ririki. Ma kam bon karaoia raoi i buku?

Warekaia Iteraera 14:1

Ao ngke a tia n ongora te ribooti Iteraera irouia mm'aane ake tengaun ma uoman ake a nako n tuoa aon Kanaan, ao a tang ni karokoa te ngaina

Warekaia Iteraera 14:39

Ao a rangi n nanokawaki aomata i mwiin anganakiia Ana rongorongo te UEA irouni Moote.

1.Tamuera 6:19

Tabeman m'aane mai Beta Temeti a tara nanon te Atiniberita, ao te UEA E tiringiia itingaun mai buakoia. Ao e karika te nanokawaki ae korakora i rouia kaain Beta Temeti,