Te Otinako 33:3 - Te B'aib'ara

³ aika kaain Kanaan, kaain Amora, kaain Eta, kaain Iwa, ao kaain Iebuti, N na iriia au aomata, ma a bon rangi ni kamangao, ai ngaia are N na kamaunaia i m'aain rokoia ikekei.

Te Otinako 33:3 ပူးပေါင်းရင်းမြစ်များ

2.Uea 17:14

Ma a aki kan ongo Iteraera, a taningabono n ai aroia aia bakatibu are a rawa n taromauriia te UEA ae Atuaia.

Taian Areru 78:8

A na aki katotongiia aia bakatibu, ake te roro n aki ongotaeka ma n rawa ni kan aan-taeka, Ake a tuai man nene onimakinan te Atua irouia, Ao a tuai naba n teimatoa ni kakaonimaki nakoina.

Te Otinako 13:5

E berita ngkoa te UEA nakoia ami bakatibu b'a E na anganingkami abaia kaain Eta, kaain Amora, kaain Iwa, ao kaain Iebuti.

Te Otinako 23:21

Ongotaeka raoi nakon b'aai nako akana e na tuangkami te anera, b'a I anganna te m'aaka ni kabane, ao e bon aki konaa ni kariaia te kamangao.

Te Otinako 3:17

ao I berita b'a N na kairiia ni kaotinakoia man aia kangaanga. N na anganiia te aba ae e m'aiti iai te miriki ao ana karewe te manibeeru, ike a maeka iai ngkai kaain Kanaan, kanoan Eta, kaain Amora, kaain Berita, kaain Iwa, ao kaain Iebuti.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Te Otinako 32:14

E aoria ngkana E a tia ni katanoataa te UEA b'a E na kamaunaia ana aomata, ma E na manga bon bita nanona ma ni kamaiuia.

Te Otinako 33:5

Ma tuangiia b'a a na buuti moa aia b'ainikatamaaroa, ao I mwiina, I a iangoa te b'ai ae N na karaoia nakoia. Ma ngaia are, a tang aomata,

Te Otinako 34:9

Ao e tataro ni kaangai, “Te UEA, ngkana arona b'a Ko bon kukurei irou, ao I tataro b'a Ko na iriira. E bon koaua ae bon taani bure aomata aikai ao taani kamangao, ma Ko na kab'arai ara bure ao karikiira b'a am aomata.”

Itaia 48:4

I ataia ae kam taningabono ao kam atuumatoa.

Ieremia 11:5

Ao i mwiina, I karaoa te b'ai are I a tia ni berita iai ao I anganiia te aba ae moan te tamaroa, ae ngaia ae kam a maeka i aona ngkai. Ao I kaeka ni kaangai, “Eng te UEA. E boni koaua anne.”

Etekiera 20:6

I tuea b'a N na kamaiuia mai Aikubita ma ni kairiia nakon te aba are I a kaman rineia. E mari te aba n te miriki ao ana karewe te manibeeru ao bon te aba ae te kabanea n tamaroa.

Nakoaia Ibonga 20:24

Bon te UEA Ngai ae Atuami, ao I a tia ni beritana abaia nako imi are e kaub'ai n te miriki ma aia karewe manibeeru. I a tia n rinei ngkami b'a kam na kaokoro ma ngaiia.

Iona 3:10

Ao te Atua E noori baike a karaoi; b'a a tia n toki man aroia ake a bubuaka. Ma ngaia are, E a bita nanona ma n aki katuaaia n aron are E a tia n taekinna.

Iona 3:4

E rin Iona n te kaawa, ao e tatakarua ni kabongnga ni kaangai, “Ai ti angaun te bong ao e na uruaki Ninewe!”

Warekaia Iteraera 13:27

ao a taku: Noori uanikai aikai! E rawata te miriki ma ana karewe te manibeeru n te aba are ti tuoa aona arei.

Warekaia Iteraera 14:12

Ma ngaia are, a na aki atongaki b'a Au aomata, N na tiringiia, ao N na karikiko b'a aia bakatibu botannaomata aika korakora riki nako ia.

Warekaia Iteraera 14:8

Ngkana ti ongotaeka iroun te UEA, ao E na bon anganiira te aba are kaub'ai n te miriki, ao a na karewe te manibeeru.

Warekaia Iteraera 16:13

E bon buakaka arom ngkai ko a tia n anaira mai abara ake a tamaroa i Aikubita b'a ti na mate n te rereua aei. Ao ngkai ko a manga kani b'aotiniira n aki akaaka!

Warekaia Iteraera 16:21

“Kam na kararoaingkami mai rarikiia Iteraera b'a N nang tiringiia n te tai aei!”

Warekaia Iteraera 16:45

“Kam'aawaingkami! N nang bon karokoa aia bong Iteraera n te tai aei.” Ao a kawaekoaia ni bobaraaki n tataro.

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!

Te Tua-Kaua 4:24

E na un te UEA ngkana kam taromauri atua tabeman, ao E kona n riki b'a te ai n tiring b'aai ni kabane ake i m'aain kawaina.

Iotua 5:6

Bukin naba mateia b'a aki ongotaeka nakon te UEA. E baireia te UEA b'a bon akea temanna mai rouia m'aanen te roro arei ae e na noora te aba ae maiu reirei are kanoan ana berita nakoia aia bakatibu. Ao e bon koro bukin anne nako ia.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.