Te Otinako 33:2 - Te B'aib'ara

² Bon te aba are e rawata iai te miriki ao ana karewe te manibeeru, ao N na kanakoa te anera b'a e na kairoroia ni kanakoia aomata ake a maeka ikekei,

Te Otinako 33:2 ပူးပေါင်းရင်းမြစ်များ

Karikani B'aai 15:21

Amora, Kanaan, Kirekata, ao kaain Iebuti.”

Karikani B'aai 24:7

E anaai te UEA ae Atuan karawa mai abaia tamau ma au koraki, ao E berita nako iu b'a E na anga te aba aei nakoia kanoau. Ane E na bon kanakoa te anera i m'aaim b'a ko aonga ni kona ni karekea buun natiu te mm'aane.

1.Rongorongo 1:14

Kanaan bon aia bakatibu naba kaain Iebuti, kaain Amora, kaain Kirekara,

Te Otinako 23:20

N na kanakoa te anera b'a e na kaawakiningkami ma ni kairiingkami nakon te aba are I a kaman anganingkami.

Te Otinako 3:17

ao I berita b'a N na kairiia ni kaotinakoia man aia kangaanga. N na anganiia te aba ae e m'aiti iai te miriki ao ana karewe te manibeeru, ike a maeka iai ngkai kaain Kanaan, kanoan Eta, kaain Amora, kaain Berita, kaain Iwa, ao kaain Iebuti.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Te Otinako 32:34

Ngkai ko na kairiia aomata nakon te tabo are I a tia n tuangko, ao e na kairiko Au anera. Ma N na katuaaia i bukin aia bure aei ngkana e roko te tai arei.

Te Otinako 33:12

E taku Moote nakon te UEA, “I ataia b'a ko a tia n tuangai b'a N na kairiia aomata aikai nakon te aba are Ko berita iai nakoia. Ma Ko bon tuai tuangai b'a antai ae e na riki b'a au kauoman. Ko a tia n taekinna b'a raoraou Ngkoe ao Ko kukurei i rou.

Te Otinako 34:11

N na kairoroia ni kanakoia kaain Amora, kaain Kanaan, kaain Eta, kaain Beriti, kaain Iwa, ao kaain Iebuti, ao kam riai ni karaoa te b'ai ae I mwiokoingkami iai n te bong aei.

Te Otinako 34:24

N na kanakoia botannaomata ake i abami, ao N na kabuubura tian abami. Ao e na bon akea temanna ae e na konaa n anaa ami b'ai ngkana kam roko n taromauriai tenua te tai ni katoa ririki.

Tekaria 12:8

N na kaawakina Ierutarem Ngai ae te Atua. E na bon korakora naba te aomata ae te kabanea ni mamaara ikekei n ai aron Tawita, ao e na tautaeka abanuean Tawita b'a kaanga bon Au anera ae e riki b'a ana tia kairiiri.

Te Tua-Kaua 7:22

Ngkana kam buakaniia botannaomata aikai, ao E na waaki te UEA ni kanakoia teutana i mwiin teutana. E na bon aki katokanikaingkami te UEA i aoia n te tai ae waekoa—b'a ngkana E karaoa anne, ao a na rangi ni karako kaain te aba are a na kona ni kanakoia taiani mannikaakang.

Iotua 24:11

Kam ri aon te Ioretan ao kam roko i Ieriko ao a buakani ngkami aomatan Ieriko ma taian Amoraite, ma Beritaite ma aomatan Kanaan ma aomatan Eta ma taian Kirekataite, ma Iwaite ma aomatan Iebuti, ma kam konaia ni kabane i bukina b'a I anganingkami te tokanikai i aoia.

Iotua 3:10

E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi